گه‌ڕان

Shadow Shadow
سیاسه‌تی

وەزیرى بەرگرى ئەمریکا: سوپای ئەمریکا بەشدار نابێت لە پاراستنی ناوچەی ئارام

2019.10.18 - 22:30
وەزیرى بەرگرى ئەمریکا: سوپای ئەمریکا بەشدار نابێت لە پاراستنی ناوچەی ئارام
ناس کورد- وەزیری بەرگری ئەمریکا ڕەتیدەکاتەوە سوپای وڵاتەکەی بەشداربێت لە پاراستنی ناوچەی ئارام لەباکور و ڕۆژهەڵاتی سوریا. . ئەمڕۆ (هەینی، 18ی تشرینی یەکەمی 2019)، مارک ئیسپەر، وەزیری بەرگری ئەمریکا، ڕایگەیاند :"هێزەکانی سوپای ئەمریکا بەهیچ شیوەیەک بەشدار نابن و هێز نانێرن بۆ پارێزگاری لەو ناوچە ئارامەی لەباکور و ڕۆژهەڵاتی سوریا دروست دەکرێت". . مارک ئیسپەر جەختی لەوەکردەوە، لە پەیوەندی بەردەوامدان لەگەڵ ئەو هێزانەیان کە لەباکور و ڕۆژهەڵاتی سوریا ماون بۆ ئەوەی بیانکشێننەوە. . ئیسبەر وتوشیەتی "ئێمە بەردەوامین لە پەیوەندی لەگەڵ بەرپرسانی هێزەکانی سوریای دیموکرات، هەروەها بە هلوسی ئاکار وەزیری بەرگری تورکیامان ڕاگەیاندوە کە دەبێت پابەند بن بەو ئاگربەستەی ڕاگەیەندراوە". .   هاوکات بەرپرسێکی دیکەی پنتاگۆن ڕایگەیاندوە:"وڵاتەکەی بەردەوامە لە چاودێریکردنی ئاسمانی سوریا، لەپێناوی پاراستنی زیندانەکانی داعش لە باکور و ڕۆژهەڵاتی سوریا". .