گه‌ڕان

Shadow Shadow
سیاسه‌تی

بەرهەم ساڵح داوای پێداچوونەوە بە دەستوردا دەکات

2019.10.15 - 20:48
بەرهەم ساڵح داوای پێداچوونەوە بە دەستوردا دەکات
ناس کورد – لەساڵیادى پڕۆسەى دەنگدان بۆ دەستورى عێراق، سەرۆک کۆماری عێراق بەفەرمی داوای پێداچونەوە بە دەستوردا دەکات. . ئەمڕۆ سێشەممە 15ی تشرینی یەکەمی 2019، چواردە ساڵی تەواو تێپەڕ دەبێت بەسەر دەنگدان بەدەستوری عێراق دوای ڕوخاندنی ڕژیمی بەعس لەساڵی 2003. . بەرهەم ساڵح سەرۆک کۆماری عێراق پەیامێکی لەوبارەیەوە بڵاوکردووەتەوە و ڕایگەیاندووە "ئەمڕۆ چواردە ساڵ تیپەڕ دەبێت بەسەر ئەو ڕۆژەی کە عێراقییەکان دەنگیان بە دەستورێکی نوێدا و بەدەنگی خۆیان داوای گۆڕانکاریی و دەستورێکی نوێیان بۆ وڵاتەکەیان کرد". . ئاماژەی بەوەشداوە "عێراقییەکان پەیمانێکی کۆمەڵایەتییان بەرجەستە کرد و دەوڵەتێکى دیموکراتی فیدڕاڵیان دامەزراند، بەڕێگەیەکی ئاشتی و لەڕێگای سندوقی دەنگدانەوە و قۆرخکاریی دەسەڵاتیان ڕەتکردەوە". . سەرۆک کۆماری عێراق باسى لەوەکردووە "ئەمڕۆ دوای 14 ساڵ لەچەسپاندنی دەستور، لەسەرمان پێویستە کە بەرکەوتەکانی دەستور جێبەجێ بکەین و لەدەستور لانەدەین و جێبەجی بکەین و چاکسازیی بکەین". . جەختیشیکردووەتەوە، هەروەها دەبێت لەسەر بنەمای گفتوگۆیەکی نیشتیمانی بەدەستوردا بچنەوە بەپێی میکانیزمە دەیموکراسیی و دەستورییەکان بۆ چارەسەرکردنی کێشەکانی بەڕێوەبردنی وڵات، بنیاتنانەوەی حوکمداریی ڕەشید و ڕەوان بۆ ئەوەی هاوڵاتیان مافیان پارێزراو بێت  و لەژیانیکی خۆشدا بژین.