گه‌ڕان

Shadow Shadow
سیاسه‌تی

لەماوەى شەش ڕۆژدا 151 ئەندامى هەدەپە دەستگیرکراون

 توركیا؛ شەش هاوسەرۆكی هەدەپە دەستگیركران

2019.10.15 - 17:02
 توركیا؛ شەش هاوسەرۆكی هەدەپە دەستگیركران
ناس کورد- لە شەش ڕۆژی ڕابردوودا، بە تۆمەتی ئەندامبوون و نزیک بوون لە پارتی كرێكارانی كوردستان و پشتگیریکردن لە ڕۆژئاوای کوردستان، 151 ئەندامی هەدەپە لەلایەن پۆلیسی تورکیاوە دەستگیرکراون. , ئەمڕۆ سێشەممە، 15ی تشرینی یەکەمی 2019، لەلایەن پۆلیسی تورکیاوە هاوسەرۆكی شارەوانی جۆلەمێرگى سەربە هەدەپە بەناوی (جیهان قەهرەمان)، هەروەها هەردوو هاوسەرۆكانی شارەوانیی گەڤەر بە ناوەكانی (عیرفان ساری و ڕەمزییە یەشار)، (یەڵدز چەتین) هاوسەرۆكی شارەوانی ئەرجیش و هەردوو هاوسەرۆكی شارەوانیی نوسێبین بەناوەكانی (فەرهاد كوت و سەمیرە نێرگز) دەستبەسەركران. , ماڵپەڕی بی بی سی ئاماژەی بەوەکردووە: "لەماوەی شەش ڕۆژی ڕابردوودا هێرشی توركیا بۆسەر ڕۆژئاوا، لە تەواوی توركیادا 151 ئەندامی هەدەپە دەستبەسەركراون، هەروەها زۆربەی ئەو دەستبەسەركراوانە لە سۆشیال میدیاوە دژایەتیی خۆیان بۆ شەڕى تورکیا لە سوریا دەربڕیوە، بەڵام پۆلیس بە تۆمەتی ئەوەی پشتگیرییان لە تیرۆر كردووە دەستبەسەری كردوون". , پێشتریش تورکیا چەندین جار، بە بیانوى نزیکبوون و ئەندامبوون لە پارتى کرێکارانى کوردستان چەندین ئەندامى حیزبە کوردییەکان و هەدەپەى لە تورکیا دەستگیرکردووە. , ,