گه‌ڕان

Shadow Shadow
سیاسه‌تی

 لیندسی گراهام دۆستە سەرسەختەکەى کورد کێیە؟

2019.10.15 - 16:18
 لیندسی گراهام  دۆستە سەرسەختەکەى کورد  کێیە؟
ناس كورد- گراهام، بە کۆنگرێسمانێکى کورددۆست دادەندرێت، لە پرسی ڕۆژئاواى کوردستانیشدا سوربو لەسەر ئەوەى ئەمریکا پشت لە کورد نەکات و بە ئەندازیارى سزاکانى سەر تورکیا دادەندرێت. , لیندسی ئۆلین گراهام، لەدایکبوی ساڵی 1955ە و سیاسەتمەدارێکی ئەمریکییە، لە ساڵی 2003 بوەتە ئەندامی ئەنجومەنی سیناتۆرەکانی ئەمریکا، لەسەر پشکی  ویلایەتی کارۆلاینای باشور. , گراهام، پێش ئەوەی ببێت بە ئەندامی ئەنجومەنی سیناتۆرەکان، لەسەر لیستی کۆمارییەکان لەماوەی نێوان ساڵانی 1995 بۆ 2003 ئەندامی پەرلەمانی ئەمریکا بوە. , لە ساڵی 2005وە  پۆستی ئەندامی کۆنگرێسی ئەمریکاى بە پلەى نایاب وەرگرتوە. , گراهام، بە کەسێکی نزیک لە ترەمپ دادەنرێت و یەکێکە لەو کەسانەی کە سەرسەختانە لە کۆنگرێس بە بەردەوامی بەرگری لە ترەمپ کردووە، بەڵام ئەوە تێبینی دەکرێت گراهام زۆر بەتوندی دژ بە بڕیارەکەی ترەمپ بۆ کشاندنەوەی هێزەکانی ئەمریکا لە باکور و خۆرهەڵاتی سوریا ڕاوەستایەوە و ڕایگەیاند: "نابێت بهێڵین داگیركاری توركیا هاوپەیمانە كوردەكانمان تێكبشكێنێت". , لیندسی گراهام، لە یەکەم کاردانەوەى لەبەرامبەر لەشکرکێشى تورکیا بۆسەر ڕۆژئاواى کوردستان، ڕایگەیاند: "بڕوام وایە پشتگیرییەكی بەهێزی نێوان هەریەك لە كۆمارییەكان و دیموكراتەكان هەیە، بۆ سەپاندنی سزا بەسەر توركیادا". , ئاماژەی بەوەشكرد: "ئەو پشتگیرییە بۆ سزادانی توركیا بە مەبەستی ئەوەیە ڕێگری بكرێت لەوەى داگیركارییەكانی توركیا هاوپەیمانە كوردە بەنرخەكانمان تێكبشكێنێت، ڕێگەنەدرێت ڕێكخراوی چەكداری داعش سەرلەنوێ ببوژێتەوە". , پاش بەردەوامبوونى هەوڵەکانى تورکیا بۆ داگیرکردنى ڕۆژئاواى کوردستان، گراهام لە تویتێکدا وتى: "ئەو هەڵوێستانەی توركیا تەنها سود بە هەریەك لە ڕوسیا و ئێران و ڕێكخراوی چەكداری داعش دەگەیەنێت، كابوس بۆ ئیسرائیل دروستدەكات". , پاش هەڵوێستەکانى گراهام، دۆناڵد ترەمپ، سەرۆکى ئەمریکا لە ڕۆژی یەكشەممە 13ى تشرینی یەکەمى 2019 ڕایگەیاند: "لەگەڵ لێندسی گراهام و ژمارەیەك لە ئەندامانی كۆنگرێس و دیموكراتەكانیش گفتوگۆمان كردووە بۆ سزادانی توركیا بەتوندى، لەسەر لەشكركێشییەكانی لە باکور و خۆرهەلاتی سوریا". , گراهام لەبارەى ئێرانیشەوە هەڵوێستى توندە و چەندین جار داواى لە ترەمپ کردووە، بۆردوومانى وێستگە نەوتییەکانى ئێران بکات. , ,