گه‌ڕان

Shadow Shadow
سیاسه‌تی

بەڕێوەبەرایەتى خۆسەرى: بەر بە لەشکرکێشى تورکیا نەگیرێت کارەساتێکى مرۆیى روودەدات

2019.10.13 - 15:50
بەڕێوەبەرایەتى خۆسەرى: بەر بە لەشکرکێشى تورکیا نەگیرێت کارەساتێکى مرۆیى روودەدات
ناس کورد- بەڕێوەبەرایەتى خۆسەرى باکور و رۆژهەڵاتى سوریا داوا لە وڵاتانى هاوپەیمانى شەڕى داعش دەکات بەپەلە بێنە سەر خەت و ئەو لەشکرکێشییە داگیرکارییەى تورکیا رابگرن، ئەگەر نا کارەساتێکى مرۆیى روودەدات. . لە راگەیەندراوەکەى بەڕێوەبەرایەتى خۆسەرى باکور و رۆژهەڵاتى سوریا، ئاماژە بەوە کراوە "لەسەرەتاى لەشکرکێشییەکەى سوپاى تورکیا و هاوپەیمانەکانى بۆ سەر رۆژئاواى کوردستان ئەوەمان راگەیاند کە ئەم لەشکرکێشییە بە ئامانجى زیندوکردنەوەى رێکخراوى داعش ئەنجام دەدرێت". . راگەیەندراوەکە روونیدەکاتەوە، بەرەبەیانى ئەمڕۆ (یەکشەممە) بەشێوەیەکى راستەوخۆ کەمپى عەین عیسا لەلایەن تورکیاوە کرایە ئامانج و بەهۆى هێرشەکەوە بۆ سەر ئەو کەمپە زیاتر لە 785 چەکدارى داعشى بیانى سەر بە رەگەزنامەى جیاواز هەڵهاتن. . راگەیەندراوەکە روونیدەکاتەوە، وەک بەڕێوەبەرایەتى خۆسەرى لێکەوتەکانى هەڵهاتنى چەکدارانى داعش دەخەینە ئەستۆى دەسەڵاتدارانى تورکیا و ئەو وڵاتانەى کە هاوکارى لەشکرکێشییەکەى تورکیایان بۆ سەر رۆژئاواى کوردستان کردووە. . بەڕێوەبەرایەتییەکە لە راگەیەندراوەکەدا جەخت لەسەر ئەوە دەکاتەوە کە هەر لە سەرەتاوە لەشکرکێشییە داگیرکارییەکەى تورکیا تەنها خەڵکانى سڤیل و ئەو زیندانیانەى کردۆتە ئامانج کە چەکدارانى داعشى تیادا زیندان کراوە و هەروەها ئەو کەمپانەى کردۆتە ئامانج کە خانەوادەى چەکدارانى داعشى تێدایە. . لە راگەیەندراوەکەدا بەڕێوەبەرایەتییەکە داوا لە وڵاتانى هاوپەیمان لە شەڕى دژى داعش دەکات کە بەپەلە ئەو داگیرکارییەى تورکیا رابگرن و ئەگەرنا کارەساتێکى مرۆیى روودەدات. .