گه‌ڕان

Shadow Shadow
سیاسه‌تی

ڤیدیۆ؛ ژنە دەستگیرکراوەکانى داعش لە کەمپى هۆل هەوڵى هەڵهاتن دەدەن

2019.10.11 - 16:16
ڤیدیۆ؛ ژنە دەستگیرکراوەکانى داعش لە کەمپى هۆل هەوڵى هەڵهاتن دەدەن
ناس کورد- لەگەڵ بەردەوامى هێرشەکانى تورکیا بۆ سەر ڕۆژئاواى کوردستان، کەمپى هۆل لەدەوروبەرى حەسەکە دۆخێکى ئاڵۆز بەخۆوە دەبینێت و ژنانى دەستگیرکراوى داعش هەوڵى هەڵهاتن دەدەن. . بەپێی گرتەیەکى ڤیدیۆیی کە هێزەکانى سوریاى دیموکرات (هەسەدە) بڵاویانکردووەتەوە، دەردەکەوێت ژنانى دەستگیرکراوى داعش هەوڵى نانەوەى پشێویی و هەڵهاتن دەدەن لەو کەمپە، کە لەژێر کۆنتڕۆڵى هەسەدەدایە. . هاوکات چەند سەرچاوەیەکى هەسەدە بە ئاژانسى سپۆتنیکى ڕوسیان ڕاگەیاندووە، ئەو دەستگیرکراوانە هەوڵدەدەن کەمى پاسەوانەکان بقۆزنەوە بۆ دروستکردنى پشێویى و هەڵهاتنیان، دواى ئەوەى بەهۆى هێرشەکەى تورکیاوە بەشێک لە پاسەوانەکان گوێزراونەتەوە بۆ بەرەکانى شەڕ. . کەمپى هۆل دەکەوێتە سنورى پارێزگاى حەسەکە و 10 کیلۆمەتر لە سنورى سوریا و عێراقەوە دوورە. . ماوەى سێ ڕۆژە سوپاى تورکیا هێرشێکى بەرفراوانى بۆ سەر ڕۆژئاواى کوردستان دەستپێکردووە و هێزەکانى هەسەدەش رووبەڕووى بوونەتەوە، تا ئێستاش شەڕ و پێکدادانى سەخت بەردەوامە. https://twitter.com/cmoc_sdf/status/1182609823919169536