گه‌ڕان

Shadow Shadow
سیاسه‌تی

سۆران عومەر: هەشت هەزار پێشمەرگەى ڕۆژئاوا لە هەرێمن و مەشقیان پێکراوە پێویستە بگەڕێندرێنەوە بۆ زێدى خۆیان

2019.10.11 - 15:05
سۆران عومەر: هەشت هەزار پێشمەرگەى ڕۆژئاوا لە هەرێمن و مەشقیان پێکراوە پێویستە بگەڕێندرێنەوە بۆ زێدى خۆیان
ناس کورد- پەرلەمانتارێکى کوردستان ڕایدەگەیەنێت، ماوه‌ی چه‌ند ساڵێكه‌ هه‌شت هه‌زار كوردی ڕۆژئاوا به‌ناوی پێشمه‌رگه‌ی ڕۆژ له‌ هه‌رێمی كوردستان خراونه‌ته‌ سه‌ر هێزه‌كانی زێره‌ڤانی سه‌ربه ‌وه‌زاره‌تی ناوخۆ و مه‌شقیان پێكراوه‌ پێویستە بیانگەڕێننەوە بۆ ڕۆژئاوا بۆ ئەوەى بەرگرى بکەن. , سۆران عومەر پەرلەمانتارى کۆمەڵ لە پەرلەمانى کوردستان لە نامەیەکى کراوەدا کە ئاڕاستەى سەرۆکى هەرێم و سەرۆکى حکومەتى هەرێمى کردووە ڕایگەیاندووە: "گه‌ر به‌جدی ده‌تانه‌وێ شتێك بۆ كوردانی ڕۆژئاوا و باكور بكه‌ن، پێشمه‌رگه‌كانی ڕۆژئاوا هەشت هه‌زار چه‌كدارن، بیانێرنه‌وه‌ ڕۆژئاوا بۆ به‌رگری، ئەگەر دژی ئەزمونی ڕۆژئاواشن بۆچی ئەمەتان کردووە؟". , ئەو پەرلەمانتارەى کوردستان ئەوەشى خستوەتەڕو: "12 هه‌زار كوردی باكور له ‌كه‌مپی مه‌خمور گه‌مارۆی ئێوه‌یان له‌سه‌ره‌ گه‌مارۆكه‌ لاده‌ن". , لە بەشێکى نامەکەیدا سۆران عومەر ئاشکرایکردووە: "ماوه‌ی چه‌ند ساڵێكه‌ هه‌شت هه‌زار كوردی ڕۆژئاوا به‌ ناوی پێشمه‌رگه‌ی ڕۆژ له‌ هه‌رێمی كوردستان خراونه‌ته‌ سه‌ر هێزه‌كانی زێره‌ڤانی سه‌ربه ‌وه‌زاره‌تی ناوخۆ و مه‌شقیان پێكراوه‌، هه‌موو ئه‌مانه‌ خه‌ڵكی ڕۆژئاوان، پێویسته‌ ئه‌مڕۆ ئه‌و پێشمه‌رگانه‌ی ڕۆژئاوا بگه‌ڕێندرێنه‌وه‌ بۆ زێدی خۆیان تاكو به‌رگری له‌ ڕۆژئاوا بكه‌ن". , ئەو پەرلەمانتارە دەڵێت، ئەوە هه‌ڵوێستێكی گرنگی كردارییه‌ و پێویستترین كاته‌ بۆ گه‌ڕانه‌وه‌ی ئه‌و پێشمه‌رگانه‌ی ڕۆژ، دەپرسێت ئەگەر ئەوە نەکرێت "ئێوه‌ ئه‌و پێشمه‌رگانه‌تان بۆ چییه؟، ئەگەر تورکیاش مەشقی پێکردوون و دەچنە خانەی دژە ئەزمونی رۆژئاوا بۆچی ئێوە ئەمە دەکەن؟، با ڕون بێتەوە ئەمانەتان بۆ چییە؟". , داواشى کردووە، سنوری سێمێلكایان بۆ بكه‌نه‌وه ‌و ده‌ربازی ڕۆژئاوا بكرێن بۆ به‌رگری. ,