گه‌ڕان

Shadow Shadow
سیاسه‌تی

ئەوەی ئەم کارە بکات دەستگیر دەکرێت

فڕۆکەخانەی سلێمانی داوایەکی سەیر ئاڕاستەی هاوڵاتییان دەکات

2019.10.07 - 23:05
فڕۆکەخانەی سلێمانی داوایەکی سەیر ئاڕاستەی هاوڵاتییان دەکات
ناس کورد- فڕۆکەخانەی سلێمانی دەڵێت، لەلایەن ژمارەیەک هاوڵاتییەوە لێزەر لەو فڕۆکانە دەدرێت کە بەسەر سلێمانیدا دەفڕن، هۆشداریش دەدات لەوەى هەر کەسێک ئەو کارە بکات دەستگیر دەکرێت. , بەشی پەیوەندییە گشتییەکان و ڕاگەیاندنی فڕۆکەخانەی نێودەوڵەتی سلێمانی لە ڕاگەیەندراوێکدا، داوایەکی سەیری ئاڕاستەی هاوڵاتییان کردووە، کەپێشتر داواکاری لەو جۆرە بوونی نەبوە، لەو ڕاگەیەندراوەدا هاتوە: "به‌داخه‌وه چه‌ند ڕۆژێکه‌ دیارده‌یه‌کی نادروست ده‌بیندرێت، ئەویش ئاڕاستەکردنى تیشکی لێزه‌ره‌ له‌و فڕۆکانه‌ی که‌ ده‌گه‌نه‌ ئاسمانی سلێمانی، بێگومان ئه‌مه‌ش کاریگه‌ری ڕاسته‌وخۆی ده‌بێت له‌سه‌ر سه‌لامه‌تی فڕۆکه‌وانی و هه‌ڵوێست وه‌رگرتنی ئه‌و هێڵه‌ ئاسمانییانه‌ی که‌ گه‌شته‌کانیان بۆ فڕۆکه‌خانه‌ی نێوده‌وڵه‌تی سلێمانی ئەنجام دەدەن". , لە ڕاگەیەندراوەکەى فڕۆکەخانەی سلێمانی ئاماژە بەوەشکراوە: "ئه‌مڕۆ 7ی تشرینی دووەمی 2019، هێڵی ئاسمانی قه‌ته‌ری له‌ ئاگاداری نامه‌یه‌کدا که‌ بۆ فڕۆکه‌خانه‌ی نێوده‌وڵه‌تی سلێمانی ناردوویانە سکاڵای ئه‌و دیارده‌یان خستۆتەڕو". , "بۆ ئه‌و مه‌به‌سته‌ ئاسایشی فڕۆکه‌وانی فڕۆکه‌خانه‌ی نێوده‌وڵه‌تی سلێمانی هه‌ڵمه‌تێکی به‌رفراوانی ده‌ستپێکردووه،‌ لەڕێگه‌ی تیمه تایبه‌ته‌کانی به‌ هێلیکۆپته‌ر و مه‌فرزه‌کانی تری بۆ گەڕان بەدوای ئه‌و که‌سانه‌ی که‌ هه‌ڵده‌ستن به‌و کاره نابەجێیانە‌ و ده‌ستگیرکردنیان، به‌پێی یاسا لێپیچینه‌وه‌یان له‌گه‌ڵ ده‌کرێت و توشی توندترین سزاش دەبن"، لە ڕاگەیەندراوەکەدا هاتوە. , ,