گه‌ڕان

Shadow Shadow
سیاسه‌تی

کۆبوونەوەى پەرلەمان و حکومەت لەبارەى پڕۆژەى چاکسازیى بەردەوام دەبێت

2019.10.07 - 14:06
کۆبوونەوەى پەرلەمان و حکومەت لەبارەى پڕۆژەى چاکسازیى بەردەوام دەبێت
ناس کورد- لیژنەی هەماهەنگی نێوان پەرلەمان وحکومەتی هەرێمی کوردستان تایبەت بە پڕۆژە یاسای چاکسازیی لە موچە و دەرماڵە و خانەنشینی و ئیمتیازاتەکان، کۆبوونەوە و بڕیاریاندا بەردەوامى بە کۆبوونەوەکانیان بدەن لەو بارەیەوە. . بەپێی ڕاگەیەنراوێکى حکومەتى هەرێم، لەکۆبوونەوەکەدا گفتوگۆی پێویست دەربارەی یاسای چاکسازیی کرا و جەخت لە سەر گرنگی ئامادەکردنی یاساکە و ناردنی بۆ پەرلەمانی کوردستان کرایەوە. . مەسرور بارزانی سەرۆکی حکومەتى هەرێم وتی "خواست و ئیرادەمان بۆ ئەنجامدانی چاکسازی زۆر بەهێزە و بە هاوکاری پەرلەمانی کوردستان ئەنجامی دەدەین" . . وتیشى "ئامانجی چاکسازیی بەدیهێنانی دادپەروەی و بەدامەزراوەییکردنی دامودەزگاکانی هەرێمی کوردستانە و پرۆسەی چاکسازیش دەبێ لە خزمەتی بەرژەوەندی گشتی و زۆرینەی خەڵکی هەرێمی کوردستان بێت". . لە کۆبوونەوەکەدا جەخت لەوە کرایەوە کە گفتوگۆی زیاتر دەربارەی پڕۆژە یاساکە بکرێت و کۆبوونەوەکان لەمبارەیەوە بەردەوام دەبن تا گەڵاڵەکردنی رەشنووسی کۆتایی و ناردنی بۆ پەرلەمانی کوردستان.