گه‌ڕان

Shadow Shadow
سیاسه‌تی

ڕاپەڕین؛ حه‌وت تۆمه‌تباری شه‌ڕه‌كه‌ی سه‌نگه‌سه‌ر دەستگیرکراون

2019.09.26 - 08:52
ڕاپەڕین؛ حه‌وت تۆمه‌تباری شه‌ڕه‌كه‌ی سه‌نگه‌سه‌ر دەستگیرکراون
ناس کورد- به‌ڕێوه‌به‌رایه‌تی پۆلیسی ڕاپه‌ڕین دەستگیرکردنى حه‌وت تۆمه‌تباری ڕاگەیاند، کە پەیوەندى بە دۆسیەى ئەو شەڕەی ڕۆژی سێشه‌ممه‌ی ڕابردووەوە هەیە کە کەسێک بەهۆیەوە گیانی لەدەستدابو. , به‌ڕێوه‌به‌رایه‌تی پۆلیسی ڕاپه‌ڕین ڕایگه‌یاندووە: "ڕۆژی سێشه‌ممه،‌ 24ی ئه‌یلولی 2019،‌ له‌سه‌ر پوش و پاوه‌ن شه‌ڕ له‌نێوان گوندی قەڵاتوکان و دەشتێوان لە سنوری ناحیه‌ی سه‌نگه‌سه‌ر-قەزای پشدەر (قه‌ڵادزێ) ڕویدا، به‌و هۆیه‌وه‌ كه‌سێك گیانی له‌ده‌ستدا و دووانی دیكه‌ش بریندار بوون". , پۆلیسی راپه‌ڕین ئاماژەی بەوەشکردووە: "شه‌وی چوارشه‌ممه‌ 25ی ئه‌یلول، حه‌وت تۆمه‌تباری ڕوداوه‌كه‌ خۆیان ڕاده‌ستی هێزه‌كانی ئاسایش كرد و دواتر ڕاده‌ستی هێزه‌كانی پۆلیس كران، سه‌رجه‌میان به‌ بڕیاری دادوه‌ر و به‌ مادده‌ی 406 ڕاگیركراون". , وێڕای ئاسایی كردنه‌وه‌ی بارودۆخه‌كه،‌ له‌ ئێستادا یه‌كێك له‌ برینداره‌كان برینه‌كه‌ی جێگیره‌ و له‌ ژێر چاودێری ته‌ندروستی دایه‌ و ئه‌وی دیكه‌شیان بۆ ماڵه‌وه‌ ره‌وانه‌ كراوه‌ته‌وه‌، دۆسیه‌ی لێكۆڵینه‌وەش‌ بۆ ڕوداوه‌كه‌ كراوه‌ته‌وه‌، وەک پۆلیس وا دەڵێت.   ڕۆژی سێشەممە لەنێوان دوو بنەماڵەدا لەسنوری قەزای پشدەر شەڕ ڕویدا و چەکی تیادا بەکارهات، بەهۆی تەقەکردنەوە هاوڵاتییەکی تەمەن 32 ساڵ کە پیشەی پێشمەرگە بو کوژرا، دووانی دیکەش بریندار بوون.