گه‌ڕان

Shadow Shadow
سیاسه‌تی

قایمقامى کەرکوک دەستگیرکرا

2019.09.23 - 09:28
قایمقامى کەرکوک دەستگیرکرا
ناس کورد- فەلاح یایچی، قایمقامی كەركوك (بەوەكالەت) لەلایەن پۆلیسەوە دەستگیرکراوە، بەتۆمەتى "کەمتەرخەمى" لە روبەڕووبوونەوەى زیادەڕەویی، ئەرشەد ساڵحى سەرۆکى بەرەى تورکمانیش داواى ئازادکردنى دەکات. . فەلاح یایچی، لە دوای روداوەكانی 16ی ئۆكتۆبەری 2017ەوە لەشوێنى كامیل ساڵەیی، بەوەكالەت كراوەتە قایمقامی كەركوك و هاوكات لێپرسراوی بشی زیادەڕۆییە. . ئەرشەد ساڵحى، سەرۆکى بەرەى تورکمانی لە راگەیەنراوێکدا ڕایگەیاند، فەلاح یایچی بەبڕیارى نوسینگەى لێکۆڵینەوەى دەستەى نەزاهەى کەرکوک و دادوەرى نەزاهە دەستگیرکراوە، لەسەر تۆمەتى پەیوەست بە "کەمتەرخەمى" لە ڕاگرتنى زیادەڕەویی لە کەرکوک. . وتیشى "ئەو کارە بە ئامانج گرتنى رەمزەکانى کەرکوکە، بەتایبەتى تورکمانەکان، چونکە دۆسیەى زیادەڕەویی دەگەڕێتەوە بۆ ساڵى 2003 کە چەند لایەنێک کردویانە و دواى پڕۆسەى سەپاندنى یاساش بەردەوام بووە". . بەوتەى ئەرشەد ساڵحى، قایمقام دەسەڵاتى ڕاگرتنى زیادەڕەویی نەبووە، لەناو ڕەوشێکى سیاسی ئاڵۆز و ئەجێنداى جیاجیادا. . ئەوەشى خستووەتەڕوو، کە ئارمى خەڵکى کەرکوک بەتایبەتى تورکمانەکان "لەکۆتایی نزیک بووەتەوە و دەستەوەستان ناوەستین لەبەرامبەر ئەو ستەمەى بەرامبەرمان دەکرێت و کاردەکەین بۆ ئاشکراکردنى دۆسیەکانى تایبەت بە بەهەدەردانى داهاتى کەرکوک".