گه‌ڕان

Shadow Shadow
سیاسه‌تی

بڕیار بوو دۆناڵد تڕەمپ ببینێت

میری‌ كوه‌یت لە سەردانێکى بۆ ئەمریکا باری تەندروستی تێکچو و گەیەنرایە نەخۆشخانە

2019.09.09 - 15:09
میری‌ كوه‌یت لە سەردانێکى بۆ ئەمریکا باری تەندروستی تێکچو و گەیەنرایە نەخۆشخانە
ناس کورد – بەر لەوەى دۆناڵد ترەمپ، سەرۆکى ئەمریکا ببینێت و کۆببێتەوە لەگەڵى، شێخ سەباح ئەحمەد جابر ئەلسوباح، میرى کوەیت بارى تەندروستى تێکچو و گەیەنرایە نەخۆشخانە. . عه‌لی جه‌راح ئه‌لسوباح، وه‌زیری دیوانی میری كوه‌یت بە ئاژانسی كونای كوه‌یتی ڕاگەیاند "شەوی ڕابردوو، شێخ سه‌باح ئه‌حمه‌د جابر ئه‌لسوباح، میری كوه‌یت له‌میانی سه‌ردانه‌كه‌یدا بۆ ئه‌مریكا باری ته‌ندروستی تێكچو‌ و بەپه‌له‌ گه‌یه‌ندرایە  نه‌خۆشخانه‌یه‌كی ئه‌و وڵاته‌ به‌مه‌به‌ستی‌ ئه‌نجامدانی‌ پشكنینی‌ پزیشكی‌". . تێکچوونى بارى تەندروستى میرى کوەیت لەکاتێکدا بوو بڕیار بوو لەگەڵ دۆناڵد ترەمپ، سەرۆکى ئەمریکا کۆببێتەوە، بەڵام بەهۆى تێکچوونى بارى تەندروستییەوە وادەى کۆبوونەوەکە دواخرا. . لە راگەیەندراوێکى نووسینگەى رۆژنامەوانى کۆشکى سپى لەبارەى رووداوەکە، ئاماژە بەوە کراوە "سەرۆک تڕەمپ، بەو رووداوە زۆر دڵگران بووە و هیوای زوو چاک بوونەوەی بۆ خواستووە و بەو نیازەى لەنزیکترین کاتدا چاوی بە میری کوەیت، بکەوێت. . پێشتریش لە (18ی ئابى 2019) شێخ سه‌باح ئه‌حمه‌د جابر ئه‌لسوباح، میری كوه‌یت كه‌ ته‌مه‌نی‌ 90 ساڵه‌ باری ته‌ندروستی تێكچو و به‌په‌له‌ چاره‌سه‌ری پزیشكی بۆ كرا. .