گه‌ڕان

Shadow Shadow
سیاسه‌تی

بۆ دیدارى عەبدوڵا ئۆجالان خانەوادەکەی بەرەو ئیمراڵی بەڕێکەوتن

2019.08.12 - 12:24
بۆ دیدارى عەبدوڵا ئۆجالان خانەوادەکەی بەرەو ئیمراڵی بەڕێکەوتن
ناس کورد- خانەوادەی عەبدوڵا ئۆجالان، ڕێبەری  زیندانیکراوى پارتی کرێکارانی کوردستان (پەکەکە)، بە مەبەستی دیدار لەگەڵ ئۆجالان بەرەو ئیمراڵی بەڕێکەوتن. . ڕۆژی (هەینی، 9ی ئابى 2019) هەریەکە لە محەمەد ئۆجالان، برای عەبدوڵا  ئۆجالان ڕێبەری زیندانیکراوى ( پەکەکە) و پارێزەر مەزڵوم دینچ، پارێزەری ڕێگەپێدراوی بنەماڵەی ئۆجالان، بۆ ئەوەی بەبۆنەی جەژنی قوربانەوە سەردانی ئیمراڵی بکەن سەردانی داواکاری گشتیی کۆمارییان لە بۆرسا کرد و بۆ ئەو مەبەستەش ئەمڕۆ (دوشەممە) لە دووەمین رۆژی جەژندا خانەوادەی ئۆجالان بۆ دیدارەکەیان بەرەو ئیمراڵی بەڕێکەوتن و بڕیارە چاویان بە ئۆجالان بکەوێت. . سەردانەکەى خانەوادەکەى ئۆجالان بۆ ئیمڕاڵى لە کاتێکدایە کە  ڕۆژی (7ی ئابى 2019) پارێزەرانی عەبدوڵا ئۆجالان دوای 13 جار پێشکەشکردنی داواکاری، توانییان چاویان بە ئۆجالان بکەوێت و  دوای دیدارەکەش پەیامەکەی ئۆجالانیان بڵاوکردەوە کە داوای ئاشتی لەنێوان پەکەکە و تورکیادا، کردبوو. .