گه‌ڕان

Shadow Shadow
سیاسه‌تی

وەزیری بەرگریی عێراق ڕاگەیەنراوێکی لەبارەى ئەنفالی بارزانییەکان بڵاوکردەوە

2019.08.01 - 11:49
وەزیری بەرگریی عێراق ڕاگەیەنراوێکی لەبارەى ئەنفالی بارزانییەکان بڵاوکردەوە
ناس کورد- وەزیری بەرگریی عێراق ڕاگەیەنراوێکى لەبارەى 36 ساڵەى یادی ئەنفالی بارزانییەکان بڵاوکردەوە و دەڵێت، "ئەنفالی بارزانییەکان تاوانی قەڵاچۆکردنی بەکۆمەڵە و ویژدانی جیهانی هەژاند." نەجاح شەمەری، وەزیری بەرگریی عێراق دەشڵێت، "36 ساڵ بەسەر جێبەجێکردنی کردەى تاوانکاری ئەنفالدا تێپەڕدەبێت لەدژی بارزانییەکان، بەناوی خۆم و بەناوی سەرجەم کارمەندانی وەزارەتى بەرگریی سەرەخۆشی لە تەواوی خەڵکی هەرێمی کوردستان دەکەم بۆ ئەو بەڵایە کە بە تاوانی قەڵاچۆکردنی بەکۆمەڵ دادەنرێت و ویژاندنی جیهانی هەژاند." دوێنێ چوارشەممە، 31ی تەموزی 2019، 36 ساڵ تێپەڕی بەسەر ئەنفالی بارزانییەکان کە تێیدا هەشت هەزار بارزانی لەلایەن سوپای عێراقەوە ئەنفالکران و تا ئێستا تەنها ڕوفاتی 596 کەس گەڕێنراونەتەوە هەرێمی کوردستان.