گه‌ڕان

Shadow Shadow
چیرۆكه‌كانمان

ناس کورد هۆکاری بەرزبوونەوەی نرخی تمەن لەبازاڕەکانى هەرێم ئاشکرا دەکات

2019.07.16 - 13:19
ناس کورد هۆکاری بەرزبوونەوەی نرخی تمەن لەبازاڕەکانى هەرێم ئاشکرا دەکات
ناس کورد- شەهرام عەزیز   ئەمڕۆ نرخی تمەنی ئێرانی بەراورد بە ڕۆژانی ڕابردوو بەرزبوونەوەیەکی بەرچاوی بەخۆیەوە بینی، بەشێوەیەک 100 هەزار تمەنی ئێرانی بە 10 هەزار و 200 دیناری عێراق مامەڵەی پێوەکرا، ناس کورد هۆکاری ئەو بەرزبوونەوەیە ئاشکرادەکات. . فەرید محەمەد لە کۆمپانیای (گوڵی گەش) لەبازاڕی دۆلارەکەی شاری سلیمانی بە ناس کورد-ی ڕاگەیاند، هۆکاری بەرزبوونەوەی نرخی تمەن، بەهۆی زۆری خواستەوەیە لەسەری و رۆژانە بەپێی ئەو خواستەی لەسەریەتی، نرخەکەی دەگۆڕێت. . وتیشی، هەروەها ئێران فڕۆشیارێکی باشی ئاڵتونە و بە بەردەوامی ئاڵتون دەفڕۆشێت، ئێستاش ئاڵتون نرخی بەرزبووەتەوە و ئەوەش هۆکارێکی دیکەیە بۆ بەرزبوونەوەی نرخی تمەنی ئێرانی. . فەرید محەمەد، ڕەتیکردەوە  ئەو بەرزبوونەوەیە هیچ پەیوەندییەکی بە دۆخی سیاسی و سەردانەکەی محمەد جەواد زەریف، وەزیری دەرەوەی ئێران بۆ ئەمریکا هەبێت و ئاماژەی بەوە کرد:" لەئێستادا ئەو پرسە کەمێک لە دۆخی سیاسی دابڕاوە". . ئەمڕۆ (سێشەممە، 16ی تەموزی 2019) لە بازاڕەکانی هەرێم 100 هەزار تمەنی ئێرانی بە 10 هەزار و 200 دینار مامەڵەی پێوەکرا. .