گه‌ڕان

Shadow Shadow
سیاسه‌تی

پێشتر بە زیندانی هەتاهەتایی سزا دراوە

سەرۆکی ئەو باندەی پارەی مووچەی فەرمانبەرانی نەخۆشخانەی شاریان دزی دەستگیرکرا

2019.04.04 - 10:26
App store icon Play store icon Play store icon
سەرۆکی ئەو باندەی پارەی مووچەی فەرمانبەرانی نەخۆشخانەی شاریان دزی دەستگیرکرا

کەناڵی ناس کورد لە تێلیگرام جۆین بکە   

ناس کورد-

ئاسایشی سلێمانی دەستگیرکردنی سەرۆکی ئەو باندەی ڕاگەیاند، کە پارەی مووچەی فەرمانبەرانی نەخۆشخانەی شار-یان لە سلێمانی دزی.

بەپێی ئه‌و زانیاریانه‌ی‌ به‌ڕێوه‌به‌رایه‌تی‌ ئاسایشی‌ پارێزگای‌ سلێمانی‌ لە ڕاگەیەندراوێکدا ئاشكرایكردووه‌، توانیویانه‌ شوێنی‌ مانه‌وه‌ی‌ سه‌رپه‌رشتیار و سەرۆکی ئەو بانده‌ی، مووچه‌ی نه‌خۆشخانه‌ی شاریان دزی بدۆزنەوە و دەستگیری بکەن، کە پێشتر بە تاوانی کوشتن سزای زیندانی هەتاهەتایی هەبووە.

لە ڕاگەیەندراوەکەی ئاسایشی سلێمانیدا ئه‌وه‌ش ئاشكراكراوه‌، ئه‌و كه‌سه‌ ناوی‌ (ش.م.ئ)ه‌و سه‌رپه‌رشتیار و دوا كه‌سی ئه‌و بانده‌یه‌ كه‌ مووچه‌ی نه‌خۆشخانه‌ی شاریان دزی، دوای‌ ده‌ستگیركردنی‌ ئه‌ندامانی‌ دیكه‌ی‌ بانده‌كه‌، ئه‌وكه‌سه‌ بۆ سنوری‌ كه‌ركوك هه‌ڵهاتوه‌ و دواتر له‌سنوری‌ ناحیه‌ی‌ قادر كه‌ره‌م خۆی‌ حه‌شارداوه‌، كه‌ شوێنی‌ مانه‌وه‌یه‌تی‌.

 

ئاسایشی سلێمانی ئاماژەی بەوەشکردووە، هێزه‌كانی‌ ئاسایشی‌ سلێمانی‌ به‌هاوكاری‌ به‌ڕێوه‌به‌رایه‌تی‌ ئاسایشی ڕۆژئاوای سلێمانی، ئۆپه‌راسیۆنێكیان ئه‌نجامداوه‌ و توانیویانه‌ ئه‌وكه‌سه‌ ده‌ستگیربكه‌ن، "دواتر تۆمەتبارەکە دانی بە تاوانەکەیدا ناوە".

 

ئەوەش ئاشكراکراوە، دەستگیرکراوەکە، پێشتر له‌سه‌ر تاوانی كوشتن به‌مادده‌ی 406 حكومدراوه‌ به‌زیندانی هه‌تاهه‌تایی، به‌ڵام له‌ده‌ره‌وه‌ی یاسا و دادگاكان به‌ لێبوردنی گشتی ئازادكراوه‌.