گه‌ڕان

Shadow Shadow
سیاسه‌تی

فراکسیۆنی پارتی داوا دەکات پەلە بکرێت لە تێپەڕاندنی پرۆژەیاساکەیان

فراکسیۆنی یەکێتی: لەسەر داوای حیزبەکەمان بەشداری دانیشتنەکانمان کردەوە

2019.04.03 - 20:35
فراکسیۆنی یەکێتی: لەسەر داوای حیزبەکەمان بەشداری دانیشتنەکانمان کردەوە

ناس کورد-

دانیشتنی پەرلەمانی کوردستان کۆتایی هات و فراکسیۆنی یەکێتی ڕایگەیاند، خواستەکانی خۆیان لە بارەی پرۆژەیاسای هەمواری یاسای سەرۆکایەتی هەرێم خستۆتەڕوو بۆ ئەوەی لە پرۆژەکەدا جێگیر بکرێت.

 

پاش کۆتاییهاتنی دانیشتنی ئەمڕۆی پەرلەمان، بێگەرد تاڵەبانی ئەندامی فراکسیۆنی یەکێتی لە پەرلەمانی کوردستان لە کۆنگرەیەکی ڕۆژنامەوانیدا ڕایگەیاند: "پرۆژەیاسای هەمواری یاسای سەرۆکایەتی هەرێم خواستی یەکێتی لەسەر نەبووە، چونکە ئێمە پێشکەشمان نەکردووە، بەڵام پاش ڕیککەوتن لەسەر پشکەکانی یەکێتی لە کابینەی نوێ و بەشداریمان لە دانیشتنی ئەمڕۆ، خواستەکان و سەرنجەکانی خۆمان لەسەر پرۆژەیاساکە خستەڕوو، بۆ ئەوەی لیژنەی یاسایی کاری خۆیانی لەسەر بکەن و خواستەکانی یەکێتی جێگیرببێت لەو پرۆژەیاسایە و سەرۆکایەتی هەرێم کارا ببێتەوە".

لە بارەی بڕیاری بەشدارییکردنیان لە دانیشتنی پەرلەمان، بێگەرد تاڵەبانی وتی: "ئێمە لە سەر داوای حزبەکەمان بەشدار نەبووین و ئێستاش پاش ڕێککەوتنی نێوان یەکێتی و پارتی لەسەر داوای حیزبەکەمان بەشدار بووین، چونکە ئێمە پابەندی بڕیارەکانی یەکێتین".

 

لە لایەکی ترەوە  لە کۆنگرەیەکی ڕۆژنامەوانیدا ئومێد خۆشناو سەرۆکی فراکسیۆنی پارتی ڕایگەیاند، کاتی تەواو دراوەتە پرۆژەیاساکە و کاتی ئەوەیە هەنگاوەکان خێراتر بکرێنەوە.

دانیشتنی ئەمڕۆی پەرلەمانی کوردستان تایبەت بوو بە خوێندنەوەی دووەمی پرۆژەیاسای هەمواری یاسای سەرۆکایەتی هەرێم، پاش ئەوەی لە خوێندنەوەی یەکەمیدا فراکسیۆنی یەکێتی ئامادە نەبوو، بەڵام ئەمڕۆ ئەو فراکسیۆنە ئامادەبوو هەروەها سەرنجەکانی خۆیانیان لەسەر پرۆژەکە خستەڕوو.