گه‌ڕان

Shadow Shadow
سیاسه‌تی

ئۆتۆمبێلەکانی حکومەت دەبێت لەکاتی دەوامدا هاتوچۆیان پێبکرێت

وەزارەتی ناوخۆ لە هەوڵی فرۆشتنی ئەو ئۆتۆمبێلانەدایە کە خەرجییان زۆرە

2019.04.03 - 16:54
وەزارەتی ناوخۆ لە هەوڵی فرۆشتنی ئەو ئۆتۆمبێلانەدایە کە خەرجییان زۆرە

 

 

ناس كورد-

بریكاری وەزارەتی ناوخۆی هەرێمی كوردستان ئاشكرای كرد، وەزارەتەكەیان ڕێنمایی نوێی بۆ 18 هەزار ئوتۆمبێلی حكومی دەركردووە، 500 ئۆتومبێلیان دەفرۆشێتەوە بە هۆی گرانی خەرجییەکانیان.

 

لە میانەی کۆنگرەیەكی ڕۆژنامەوانیدا سامی جەلال بریكاری وەزارەتی ناوخۆی هەرێمی كوردستان  ڕایگەیاند: "بۆ ئەو ئۆتۆمبێلانەی حكومەت کە سودیان لێوەرناگیرێت و خەرجییەكانیان زۆرە ڕێنمایی نوێیان دەركردووە و نزیكەی 500 ئۆتۆمبێلیان لێدەفرۆشێتەوە، هەندێ لەو ئۆتۆمبێلانە فرۆشراونەتەوە بەو فەرمانبەرانەی شۆفێریان بوون، هەندێكی دیکەشیان لە ڕێگەی لیژنەی تایبەتەوە بە زیادکردنی ئاشکرا فرۆشراوە".

 

سەبارەت بە ڕێنماییەكانی وەزارەتی ناوخۆ سەبارەت بە ئۆتۆمبێلەکانی وەزارەتی ناوخۆ، سامی جەلال وتی: "18 هەزار ئۆتۆمبێلی حكومی هەیە، لۆگۆی تایبەتمان داوە لە دەرگای ئۆتۆمبێلەكان و نابێت بە هیچ شێوەیەك لێبكرێتەوە، تا 31 ئایاری داهاتوو پێویستە نوسراو ئاڕاستەی وەزارەت بكرێت بۆ دیاریكردنی بڕی سوتەمەنی پێویست، بە پێچەوانەوە گشت خەرجییەكانی ئۆتۆمبێلەكە دەبڕدرێت" .

 

بریكاری وەزارەتی ناوخۆ ئاماژەی بەوەشکرد، لە ڕێنماییەكانی وەزارەتی ناوخۆ هاتووە،  دەبێت كاتی هاتوچۆی ئۆتۆمبێلەکانی حکومەت لە كاتی دەوامدا دیاریبكرێت و نابێت دوای دەوام كاری تایبەتی پێبكرێت.