گه‌ڕان

Shadow Shadow
سیاسه‌تی

شەڕڤانان پێشڕەویی دەکەن

شەڕی سەخت لە باغوز بەردەوامە

2019.03.02 - 10:21
شەڕی سەخت لە باغوز بەردەوامە

 

 

ناس کورد-

لە ئێوارەی دوێنێوە هێزەکانی سوریای دیموکرات قۆناغی کۆتایی شەڕی لەناوبردنی داعشیان دەستپێکردووە و ئامانجیان کۆنترۆڵکردنەوەی ئەو ڕووبەرە کەمەیە کە بەدەست ئەو ڕێکخراوەوە ماوە لە گوندی باغوزی پارێزگای دێرەزووری سوریا.

مستەفا بالی بەڕێوەبەری ناوەندی ڕاگەیاندنی هەسەدە بە ئاژانسی هاوار نیوزی ڕاگەیاندووە، لە شەوی ڕابردووەوە شەڕی سەخت لەنێوان شەڕڤانان و چەکدارانی داعش بەردەوامە.

بالی ئاماژەی بۆ ئەوەش کردووە، شەڕڤانان لە پێشڕەویی بەردەوامدان و تا ئێستا شەش خاڵیان کۆنترۆڵکردووە کە پێشتر چەکدارانی داعشی تێدابوون.

هەروەها باسی لەوەش کردووە لە ڕووبەڕووبوونەوەکاندا چەندین چەکداری داعش کوژراون، هاوکات سێ شەڕڤانیش برینداربوون.