گه‌ڕان

Shadow Shadow
چیرۆكه‌كانمان

وەزارەت دەرمانی پێویست بۆ نەخۆشخانەكان دەكڕێت

وتەبێژی وەزارەتی تەندروستی بۆ ناس كورد: لەهەوڵی چارەسەركردنی كێشەی كەمی دەرمانداین

2019.04.02 - 15:10
وتەبێژی وەزارەتی تەندروستی بۆ ناس كورد: لەهەوڵی چارەسەركردنی كێشەی كەمی دەرمانداین

ناس كورد- هەڤاڵ فەتاح

نزیكەی مانگێكە كێشەی كەمی دەرمان لەنێو نەخۆشخانەكانی هەرێمی كوردستان بەگشتی و بەتایبەت لەنەخۆشخانەی هیوا لەشاری سلێمانی دروست بووە و وەزارەتی تەندروستی لەهەوڵی چارەسەركردنی كێشەكەدایە.

دۆستی نەژاد بەڕێوەبەری نەخۆشخانەی هیوا بۆ چارەسەری نەخۆشی شێرپەنجە، تایبەت بە ناس كورد-ی ڕاگەیاند"كێشەی كەمی دەرمان تەنها لە نەخۆشخانەی هیوادا نییە، بەڵكو ئەو جۆرە كێشانە لەهەموو عێراقیشدا هەیە، بەڵام لای ئێمە زۆر بەكەمی دەركەوتووە تائێستا نەبووەتە كێشەیەكی زەق و حكومەتیش بە بەردەوامی لەهەوڵی چارەسەركردنی ئەو پرسەدایە".

نەخۆشخانەی هیوا لەساڵی 2007 دروستكراوە و سەرەتا لە 40 قەرەوێڵە پێكهاتبوو، ساڵی 2018 نۆژەنكرایەوە و كرایە 180 قەرەوێڵە و ساڵانە رێژەیەكی زۆر لەهاووڵاتیان بۆ چارەسەركردنی نەخۆشی شێرپەنجە سەردانی دەكەن.

د.خاڵس قادر وتەبێژی وەزارەتی تەندروستی حكومەتی هەرێمی كوردستان بە ناس كورد-ی وت "بە بەردەوامی وەزارەتی تەندروستی هەرێم دەرمانی پێویست بۆ نەخۆشخانەكان دەكڕێت و هەندێك جاریش بەهۆی درەنگ گەیشتنی ئەو بڕە دەرمانەی كە لەحكومەتی عێراقەوە پێمان دەگات كێشە دروست دەكات چونكە هەندێ كاتی دەوێت".
وتیشی "هەر كێشەیەك دروست بێت دەستبەجێ‌ چارەسەری دەكەین".