گه‌ڕان

Shadow Shadow
سیاسه‌تی

دەستیان بەسەردا دەگیرێت

لەبارەی كڕین و فڕۆشتن بەم جۆرە ئۆتۆمبێلانە هۆشداری دەدرێت

2019.04.02 - 12:01
لەبارەی كڕین و فڕۆشتن بەم جۆرە ئۆتۆمبێلانە هۆشداری دەدرێت

ناس كورد-

بەڕێوەبەرایەتی هاتوچۆی سلێمانی هۆشداری بە هاوەڵاتیان دەدات خۆیان لەكڕین و فرۆشتنی ئۆتۆمبێلی بێ سەرەتا بەدوور بگرن و جەختدەكاتەوە "دەستیان بەسەردا دەگیرێت".

لەراگەیەندراوێكی بەڕێوەبەرایەتی هاتوچۆی پارێزگای سلێمانی، كە وێنەیەكی دەست (ناس كورد) كەوتووە، ئاگاداری هاووڵاتیانی پارێزگای سلێمانی دەكات دوور بكەونەوە لەكڕین و فڕۆشتنی ئۆتۆمبێلی بێ سەرەتا.

لەراگەیەندراوەكەدا ئۆتۆمبێلە بێ‌ سەرەتاكان بەو ئۆتۆمبێلانە پێناسە كراوە كە لەهیچ شوێنێك تۆمارنەكراوون).

راگەیەندراوەكەی بەڕێوەبەرایەتی هاتوچۆی سلێمانی جەخت لەسەر ئەوە دەكاتەوە "هەموو ئەو ئۆتۆمبێلانە نا یاسایین و لەڕووی ئەمنی و جینائی و یاساییەوە لەژێر پرسیاردان".

هۆشداری ئەوەش دراوەتە هاووڵاتیان، بۆ ئەوەی تووشی زیانی دارایی نەبن دووربكەونەوە لەكڕینی ئەو جۆرە ئۆتۆمبێلانە، چونكە بەپێی راگەیەندراوەكە "دەستیان بەسەردا دەگیرێت".