گه‌ڕان

Shadow Shadow
سیاسه‌تی

شەوی ڕابردوو کاندیدی جەهەپە نۆ کۆنگرەی ڕۆژنامەوانیی ئەنجام دا

تا ئێستا بە فەرمی براوەی ئیستەنبوڵ ئاشکرا نەبووە

2019.04.01 - 08:12
تا ئێستا بە فەرمی براوەی ئیستەنبوڵ ئاشکرا نەبووە

ناس کورد-

 

سەرەڕای ئەوەی لایەنی براوەی زۆربەی شارەکانی تورکیا ئاشکرا بووە، بەڵام بەهۆی ئەو ململانێ توندەی لە ئیستەنبوڵ هەیە، تا ئێستا بەفەرمی بڵاونەکراوەتەوە کاندیدی کام پارت براوەی ئیستەنبوڵە.

 

لە شاری ئیستەنبوڵ ململانێی توند لەنێوان کاندیدی ئاکەپە، بنالی یالدرم و کاندیدی جەهەپە، ئەکرەم ئیمامئۆغڵو-دایە، دوای نزیکبوونەوەی دەنگی ئەو دوو کاندیدە لە یەکتر، ئاشکراکردنی دەنگەکان لەلایەن ئاژانی ئەنادۆڵەوە وەستێنرا.

 

بەپێی چەند ئامارێکی نافەرمی، دوای جیاکردنەوەی لەسەدا 99.59ی دەنگەکانی ئیستەنبوڵ، کاندیدەکەی جەهەپە 4.153,060 دەنگی بەدەستهێناوە، لەبەرامبەر 4.125.186 دەنگ بۆ کاندیدەکەی ئاکەپە.

 

شەوی ڕابردوو ئەکرەم ئیمامئۆغڵو نۆ جار چووە بەر کامێراکان و سەرەڕای ڕاگەیاندنی سەرکەوتنی خۆی، هاوکات ترس و نیگەرانی دەربڕی لە ئەگەری دەستکارییکردنی ئەنجامی دەنگەکان.

 

هاوکات کاندیدی جەهەپە لە هەریەک لە شارە گەورەکانی ئەنقەرە و ئیزمیریش بەهەمان شێوە بەسەر کاندیدی ئاکەپەدا سەرکەوت، ئەوەش بە پاشەکشەیەکی گەورە بۆ پارتەکەی ڕەجەب تەیب ئەردۆغان دادەنرێت.