گه‌ڕان

Shadow Shadow
سیاسه‌تی

بەهۆی مەترسیی لافاوەوە

پەروەردەکانی سلێمانی و هەڵەبجە و گەرمیان سبەینێیان کرد بە پشوو

2019.03.30 - 20:47
App store icon Play store icon Play store icon
پەروەردەکانی سلێمانی و هەڵەبجە و گەرمیان سبەینێیان کرد بە پشوو

کەناڵی ناس کورد لە تێلیگرام جۆین بکە   

ناس کورد-

بەڕێوەبەرایەتی پەروەردەی سلێمانی ڕایگەیاند بەهۆی شەپۆلە بارانبارینە چاوەڕوانکراوەکەی سبەینێوە بڕیاریانداوە لە ناوەندەکانی خوێندندا سبەینی یەکشەممە پشووی فەرمییە.

بەپێی ڕاگەیەندراوێکی بەڕێوەبەرایەتی پەروەردەی سلێمانی، بەپێی پێشبینیەکانی کەشناسی هەرێم بەتایبەتی بەڕێوەبەرایەتی كەشناسی سلێمانی پێیان ڕاگەیاندوون كە سبەینێ شەپۆلێکی بەهێزی بارانبارین و لافاو پارێزگای سلێمانی دەگرێتەوە.

"بۆ سەلامەتی گیانی قوتابیان و خوێندکارانمان بڕیارماندا سبەینێ ڕۆژی یەکشەممە 31/3/2019 بکرێتە پشوو لەسەرجەم ناوەندەکانی خوێندن لە سنوری بەڕێوەبەرایەتی گشتی پەروەردەی سلێمانی،" ئەوەش بەپێی ڕاگەیەندراوەکە پەروەردەی سلێمانی.

هەروەها هەر یەک لە بەڕێوەبەرایەتییەکانی پەروەردەی هەڵەبجە و گەرمیان و دەربەندیخانیش بەهەمان شێوە ڕایانگەیاند سبەینێ پشووی فەرمیی دەبێت لە سەرجەم ناوەندەکانی خوێندن.

هاوکات ئەمڕۆ بەشی پێشبینی لەبەڕێوەبەرایەتی گشتی كەشناسی و بوومەلەرزەزانی هەرێمی كوردستان كە لە ڕاگەیەندراوێکدا ئاماژەی بۆ ئەوە کرد کە لە ئەنجامی چالاكبوونەوەی هەردوو نزمە پاڵەپەستۆی دەریای ناوەڕاست و دەریای سوور، "پێشبینی دەكرێت لەئێوارەی ئەمڕۆوە باران بارینی بەلێزمە و هەورە تریشقە ڕوو بكاتە هەرێمی كوردستان”.

بەپێی راگەیەندراوەكە پێشبینی دەكرێت ناوچەكانی شەنگال و سەنتەری شاری دهۆك و زاخۆ و ئامێدی و سەرسەنگ و سەنتەری شاری سلێمانی و چەمچەماڵ و رانیە و سەنتەری پارێزگەی هەولێر و ناوچە شاخاوییەكان بارانێكی زۆر و بەلێزمە بیانگرێتەوە و پێشبینی دەكرێت لەماوەی ئەم چالاكبوونەوە لەسەرووی (40) ملیم باران ببارێت.