گه‌ڕان

Shadow Shadow
سیاسه‌تی

بانگخوازێكی ئیسلامی بەكڕینی 20 شوقە بەپارەی كۆمەكی خێرخوازی تۆمەتبار دەكرێت

2019.03.30 - 12:03
App store icon Play store icon Play store icon
بانگخوازێكی ئیسلامی بەكڕینی 20 شوقە بەپارەی كۆمەكی خێرخوازی تۆمەتبار دەكرێت

کەناڵی ناس کورد لە تێلیگرام جۆین بکە   

ناس كورد-

دەسەڵاتدارانی هیندستان، زاكر نایك بانگخوازی ناوداری ئیسلامی بەوە تۆمەتبار دەكەن كە بەپارەی كۆمەكە خێرخوازییەكان 20 شوقەی بۆ خۆی كڕیوە و بەناوی كەسوكارەكەیەوە تۆماری كردووە.

رۆژنامەی (تایمز ئۆف ئیندیا) بڵاوی كردەوە "هاوكار و خێزانەكەی زاكر نایك بانگخوازی ناوداری ئیسلامی بەتاوانی هاوبەشیكردن لەكەیسی سپیكردنەوەی پارە دەستگیركراوون".

بەپێی رۆژنامەكە، ئەو بانگخوازە بەناوبانگەی ئیسلام لەپارەی كۆمەكی خێرخوازی هەستاوە بە كڕینی 20 شوقە لەوڵاتی هیندستان و بۆ ئەوەی كارەكەشی ئاشكرا نەبێت شوقەكانی كردووە بەناوی هاوسەرەكەی و كوڕەكەی و كەسە نزیكەكانی خۆی.

دەسەڵاتدارانی هیندستان، نایك بەوە تۆمەتبار دەكەن كە پارەی گوماناوی لەوڵاتی ئیماراتەوە هێناوەتە هیندستان بە بیانووی وەبەر هێنانی پرۆگرامەكەی و رۆژنامەكە پڕۆگرامەكەی نایك-ی بە پڕۆگرامی (بانگخوازی بۆ ڕق و كینە)ناوبردووە.

جەختیش لەسەر ئەوە كراوەتەوە ، زاكر هەتا ئێستا 28 ملیۆن دۆلاری بەناوی خێرخوازیەوە كۆكردۆتەوە كە 10 ملیۆنی لەڕۆژهەڵاتی ناوەڕاستەوە بووە.