گه‌ڕان

Shadow Shadow
سیاسه‌تی

دوای ڕەتكردنەوەی سێهەم.. چ هەڵبژاردنێك لەبەردەم (بریكست)دا ماوە؟

2019.03.30 - 09:42
دوای ڕەتكردنەوەی سێهەم.. چ هەڵبژاردنێك لەبەردەم (بریكست)دا ماوە؟

ناس كورد-

دوای ئەوەی بۆ جاری سێهەم پەرلەمانی بەریتانیا رێككەوتنەكەی سەرۆك وەزیرانی وڵاتەكەی تایبەت بە هاتنە دەرەوەی بەریتانیا لەیەكێتی ئەوروپا، رەتكردەوە، بژاردەكانی بەردەم لەندەن و بروكسل كەمبوونەتەوە و كات تێدەپەڕێت و ئەگەرەكانی ئەم چونە دەرەوەیە بەبێ ڕێككەوتن هەردولای خستۆتە دوودڵییەوە.

دوێنێ‌ (هەینی) ئەندام پەرلەمانە بەریتانیەكان بۆ جاری سێهەم رێككەوتنی برێكست-یان ڕەتكردەوە، ئەو رێككەوتنەی كە تریزا مای سەرۆك وەزیرانی بەریتانیا لەگەڵ یەكێتی ئەوروپا ئەنجامیدا و ئەگەری زۆر ئەوەیە كە بەریتانیا لەم كۆمەڵەیە بەبێ رێككەوتن بچێتە دەرەوە یان پرسی چوونە دەرەوە لەیەكێتی ئەوروپا بۆ ماویەكی درێژ دوابخات.

دوابەدوای رەتكردنەوەی رێككەوتنەكەی مای بۆ جاری سێهەم لەپەرلەمانی ئەو وڵاتە، دۆناڵد توسك سەرۆكی ئەنجوومەنی ئەوروپا داوای ئەنجامدانی لوتكەیەكی ئەوروپی كرد لەرۆژی 10ی نیسانی 2019 و تاوتوێكردنی ئەو بابەتە.
ئەمە لەكاتێكدا بەپێی ڕێكەوتنەكە دەبوو بەریتانیا لەگەڵ كۆتایی ڕۆژی هەینی29ی ئادار لەیەكێتی ئەوروپا بچوایەتە دەرەوە كە هەندێك بەرۆژی سەربەخۆیی ناویان بردبوو و بەهۆی رێكنەكەوتن و جیاوازی بیروڕاكانەوە خەونی سەربەخۆیی زۆرێك لەبەریتانییەكان، لەبار برا.
شكستی پڕۆژەكەی لەپەرلەمانی بەریتانیا وای لە تریزا مای كرد داوای كاتی زیاتر بكات، بەڵام یەكێتی ئەوروپا داواكەی رەتكردەوە و داوایان لێكرد پیلانێكی نوێ دابرێژێتەوە و ڕۆژی12ی نیسان پێشكەشی بكات و دوو بژاردە لەخۆی بگرێت، یەكەمیان برێكست-ێكی بێ ڕێككەوتن، دووەمیان دواخستنی داوای جیابوونەوەكە بۆ ماوەیەكی درێژ.