گه‌ڕان

Shadow Shadow
چیرۆكه‌كانمان

کۆبوونەوەی مەکتەبی سیاسی یەکێتی کۆتایی هات

عیماد ئەحمەد بۆ ناس: ئەمشەو پڕۆژەیەکی نوێمان دایە پارتی

2019.03.29 - 21:06
عیماد ئەحمەد بۆ ناس: ئەمشەو پڕۆژەیەکی نوێمان دایە پارتی

ناس کورد - شەهرام عەزیز

دوای تەواوبوونی کۆبوونەوەی مەکتەبی سیاسی یەکێتی لە شاری هەولێر، عیماد ئەحمەد ڕایگەیاند، دوا پڕۆژەی خۆیان داوەتە پارتی و چاوەڕێی وەڵامی ئەو حزبەن.

 

کۆبوونەوەی مەکتەبی سیاسی یەکێتی لە شاری هەولێر کۆتایی هات و عیماد ئەحمەد، ئەندامی مەکتەبی سیاسی یەکێتی تایبەت بە ناس کورد-ی ڕاگەیاند: "لە کۆبوونەوەکەی مەکتەبی سیاسیدا تاوتوێی پێشنیازەکانی پارتی-مان  بۆ پشکەکانمان لە کابینەی نوێی حکومەت کرد و پڕۆژەیەکمان ئامادە کرد، تایبەت بەو پرسە".

 

عیماد ئەحمەد ئاشکراشیکرد: "هەر ئەمشەو پڕۆژەکەیان داوەتە پارتی دیموکراتی کوردستان و چاوەڕوانی وەڵامی ئەو حزبەن".

 

ئەندامەکەی مەکتەبی سیاسی یەکێتی ئەو دەنگۆیانەشی ڕەتکردەوە کە باس لە ڕێکەوتنیان دەکەن لەگەڵ پارتی و وتی، "بەهیچ شێوەیەک ڕێکنەکەوتووین لەسەر ئەو داخوازییانەی ئێمە دەمانەوێت".

 

سەبارەت بەو دەنگۆیانەی باس لە کۆبوونەوەی هەردوولا دەکەن عیماد ئەحمەد وتی: "نازانین تاوەکو سبەینێ چی ڕوودەدات، چاوەڕوانی وەڵامی پارتی دەکەین".

 

مەکتەبی سیاسی یەکێتی لە کاتژمێر 6ی ئەم ئێوارەیە لە هەولێر کۆبووەوە بۆ تاوتوێکردنی دوا کۆبوونەوەیان لەگەڵ پارتی و سەبارەت بە پشکەکانیان لە کابینەی نوێی حکومەت.