گه‌ڕان

Shadow Shadow
سیاسه‌تی

یەكەی بێبەرامبەریان دەدرێتێ‌

كۆڕەك تیلیكۆم قەرەبووی بەشێك لە بەشداربووانی دەكاتەوە

2019.03.29 - 12:31
كۆڕەك تیلیكۆم قەرەبووی بەشێك لە بەشداربووانی دەكاتەوە

ناس كورد-

كۆمپانیای كۆڕەك تیلیكۆم قەرەبووی بەشداربووەكانی دەكاتەوە بەهۆی بچڕانی پەیوەندییەكانی هێڵەكەی بە كۆمپانیاكانی تری پەیوەندیكردنەوە.

كۆڕەك تیلیكۆم لەرێگەی نامەیەكەوە كە بۆ بەشداربووانی ناردووە دەستپێكردنەوەی پەیوەندیكردنی تۆڕەكەی بە كۆمپانیاكانی تری پەیوەندیكردن رادەگەیەنێت .

لەنامەكەدا كۆمپانیاكە داوای لێبووردن لەبەشداربووەكانی دەكات و بچڕانی ئەو پێنج رۆژەی تۆڕەكەی لەگەڵ كۆمپانیاكانی تر بەرووداوێك لەدەرەوەی خواستی كۆمپانیاكە لەقەڵەم دەدات و بۆ قەرەبووكردنەوەی بەشداربووەكانی یەكەی بێبەرامبەر دەكاتە دیاری.

بەپێی ئەو نامەیەی كە بۆ بەشداربووانی كۆڕەك تیلیكۆم نێردراوە بەشداربوو بەناردنی ژمارە (101) بۆ ژمارە (234) بڕی 100 خولەك و 100 نامەی بێبەرامبەری پێدەبەخشرێت بۆ ماوەی 5 رۆژ.

راگەیەندراوەكە لەكاتێكدایە كە ئەو خزمەتگوزارییە بۆ هەموو بەشداربووانی كۆڕەك تیلیكۆم بەردەست نییە و لەو بارەیەوە زۆرێك لەبەشداربووان گلەیی و گازەندەیان هەیە.

شەوی رابردوو ماوەی سزادانی كۆمپانیای كۆڕەك تیلیكۆم لەلایەن دەستەی راگەیاندن و پەیوەندییەكانی عێراق كۆتایهات و پەیوەندییەكانی ئەو كۆمپانیایە بە تۆڕەكانی تر دەستیپێكردەوە.