کەناڵی ناس کورد لە تێلیگرام جۆین بکە
ناس كورد-
باران بارینی بەخوڕ و بەرزبوونەوەی ئاستی ئاو لەقەزای كەلار ژمارەیەك لە مین و دژە تانكی دەرخستووە كە مەترسی تەقینەوەیان هەیە و لەو بارەیەوە قایمقامیەتی قەزای كلار هۆشداری دەداتە هاووڵاتیان.
لەراگەیەندراوێكی قایمقامیەتی قەزای كەلاردا هۆشداری دراوەتە هاووڵاتیان لەدەركەوتنی ژمارەیەك لە مین و دژە تانك لەسەیرانگا و شوێنە شاخاوییەكان كە مەترسی تەقینەوەیان هەیە.
قایمقامیەتی قەزای كەلار لەراگەیەندراوەكەیدا ئاماژە بەوە دەكات "ماوەیەكە بەهۆی بارینی بارانی بەخـــووڕ و بەرزبوونەوەی ئاستی ئاو ، لە سەیرانگا و شوێنە شاخاوییەكان ژمـــارەیەك لە مینی دژە مـرۆڤ و دژە تانك دەركــــەوتوون و مـــەترسی تەقینەوەیان هەیە".
لەراگەیەندراوەكەدا قایمقامیەتی قەزای كەلار داوا لەهاووڵاتیان دەكات لەكاتی گەشت و سەیرانكردندا پێشتر لەشوێنەكە دڵنیاببنەوە و ئاگاداری خۆیان بن.
