گه‌ڕان

Shadow Shadow
سیاسه‌تی

فڕۆشی یاداشتەكانی میشیل ئۆباما 10 ملیۆنی تێپەڕاند

2019.03.28 - 17:11
فڕۆشی یاداشتەكانی میشیل ئۆباما 10 ملیۆنی تێپەڕاند

ناس كورد-

فڕۆشی كتێبی (Becoming ) یاداشتەكانی میشێل ئۆباما خانمی یەكەمی پێشووی ئەمریكا ژمارەیەكی پێوانەیی تۆمار كرد و بەپێی ماڵپەری ئەمازۆن نزیكدەبێتەوە لەوەی ببێتە پڕفرۆشترین یاداشتنامەی هەموو سەردەمەكان.

كتێبەكەی میشێل ئۆباما خانمی یەكەمی پێشووی ئەمریكا لە مانگی 11ی 2018، بڵاوكرایەوە كە باس لە چیرۆكی ژیانی دەكات.

بەپێی ماڵپەری ئەمازۆن كتێبەكە لەریزبەندی پڕ فڕۆشترین كتێبەكاندا پلەی یەكەمی بەدەستهێناوە و لە ڕۆژی یەكەمیدا تەنها لەئەمریكا و كەنەدا 725 هەزار چاپی لێ فڕۆشراوە.

بەپێی خانەی بڵاوكردنەوەی (پەنگوین راندوم هاوس) هەتا ئێستا كتێبەكەی میشێل 10 ملیۆنی لێ‌ فڕۆشراوە و بەمەش نزیك دەبێتەوە لە پێدانی نازناوی باشترین كتێبی یاداشتنامەی فرۆشراو لە مێژوودا.


كتێبەكە لە سێ بەش پێكهاتووە، لەبەشی یەكەمدا باس لەسەرەتای ژیانی میشێل دەكات ئەوكاتەی لەباشوری شیكاگۆ نیشتەجێ‌ بووە و پاشان ژیانی وەك خانمی یەكەمی كۆشكی سپی دەگێڕێتەوە و دواتریش باس لەڕۆڵی خۆی دەكات لە پەروەردەكردنی دوو كچەكەی ساشا و مالیا.