گه‌ڕان

Shadow Shadow
سیاسه‌تی

لە هێرشێکی چەکداریدا لە واشنتن دوو کەس کوژران و دوو کەسی دیکەش برینداربوون

2019.03.28 - 09:17
لە هێرشێکی چەکداریدا لە واشنتن دوو کەس کوژران و دوو کەسی دیکەش برینداربوون

 

ناس کورد-

لە ئاکامی هێرشێکی چەکداریدا لە شارێکی سەربە ویلایەتی واشنتن چوار کەس بوونە قوربانی کە یەکێکیان ئافرەتە.

هێرشە چه‌كدارییەکە له‌سه‌ر رێگا‌ی شاری سیاتڵ-ی ویلایه‌تی واشنتن له‌ باكوری خۆرئاوای ئه‌مه‌ریكا بووە، لە ئەنجامدا دوو کەس کوژران و دوو کەسی دیکەش برینداربوون.

لە بارەی ڕوداوەکەوە پۆلیسی شاری سیاتڵ، ئاشکرایکردووە، چه‌كدارەکە بە ڕەگەز نێر بووە، سەرەتا تەقەی له‌ ئافره‌تێكی شۆفێر کردووە و برینداری كردووه‌، دواتر ته‌قه‌ی له‌ پاسێك كردووه‌.

پۆلیسی ئەو شارە ئاماژەی بەوەشکردووە،  ئه‌و چه‌كداره‌ ته‌قه‌ی له‌ ئۆتۆمبێلێكی دیكه‌ كردووه‌ و شوفێره‌كه‌ی كوشتووه‌، پاشان به‌ ئۆتۆمبێل هەڵاتووە  و خۆی كێشاوه‌ به‌ ئۆتۆمبێلێكی دیكه‌دا و شۆفێرەکەی کوشتووە.

بە وتەی پۆلیس، تۆمەتبارەکە هه‌وڵیداوه‌ رابكات، بەڵام پۆلیس گه‌یشتووه‌ته‌ شوێنی رووداوه‌كه‌ و ده‌ستگیرییان كردووه‌، تا ئێستاش هۆکاری ڕووداوەکە نازانرێت و لێکۆڵینەوە لە تۆمەتبارەکە دەستیپێکردووە.

 

https://twitter.com/LinziKIRO7/status/1111048596575535104