گه‌ڕان

Shadow Shadow
چیرۆكه‌كانمان

نەتوانراوە سود لە باران و لافاو وەربگیرێت

شارەزایەكی جیۆلۆجی: تەنها 12% ئاوی باران و لافاوی هەرێم دەچێتە ژێر زەوییەوە

2019.03.27 - 16:54
App store icon Play store icon Play store icon
شارەزایەكی جیۆلۆجی: تەنها 12% ئاوی باران و لافاوی هەرێم دەچێتە ژێر زەوییەوە

کەناڵی ناس کورد لە تێلیگرام جۆین بکە   

ناس كورد- فوئاد عەبدوڵا

شارەزایەكی جیۆلۆجی ڕایگەیاند، تۆبۆگرافیای هەرێمی كوردستان زۆر یارمەتیدەر و شیاوە بۆ دروستكردنی چەندین بەربەست و بەنداو بۆ گلدانەوەی ئەو ئاوی بارانەی كە ساڵانە هەرێمی كوردستان دەگرێتەوە، بەڵام نەتونراوە سودی لێ ببینرێت.

د.پێشەوا محەمەد پسپۆر لە بواری جیۆلۆجی، بە ناس كورد-ی ڕاگەیاند: "لەو بارانەی لە کوردستان دەبارێت، تەنها 12%ی دەچێتەوە ژێر زەوی، ئەوی دیکەی بەهەدەر دەڕوات، بەهۆی نەبوونی بەربەست و بەنداو بۆ گلدانەوەی ئاوی باران و لافاو لە وەرزی زستاندا".

ئەو شارەزای جیۆلۆجییە بیرۆکەیەکی دیکەی زانستی پێشنیار دەکات بۆ گلدانەوەی ئاو، کە لە بەنداوەکان ئاسانتر و کەمتریشی تێدەچێت، ئەویش بریتییە لە كۆكردنەوەی ئاو لە ژێر زەوی لە ڕێگای 'بیری پسپۆڕی' کە بە فشار و لەڕێی 'حەقن'وە ئاوەکە دەخرێتە ژێر زەوییەوە.

لە بارەی گونجاویی تۆبۆگرافیای هەرێمی کوردستانەوە بۆ سودوەرگرتن لە ئاوی باران و لافاو، د.پێشەوا محەمەد ئاماژەی بەوەکرد، تۆبۆگرافیای هەرێمی کوردستان زۆر لەبارە بۆ گلدانەوەی ئاوی باران لە ڕێی دروستکردنی بەنداو و بەربەستەوە.

 

 

لە هەرێمی کوردستان 15 بەنداو ھەیە کە توانای گلدانەوەی 10 ملیار مەتر سێ جا ئاویان ھەیە، بەنداوی دوکان و بەنداوی دەربەندیخانیش بە دوو گەورەترین بەنداو هەژماردەکرێن.

پێشتریش لە ساڵی 2011دا حکومەتی هەرێم دیزانی چەند بەنداوێکی دانا و بەشێکیشیان بودجەیان بۆ تەرخانکرا و چونە بواری جێبەجێکردنەوە، بەڵام زۆربەیان کارکردن تیایاندا وەستاوە، لە ئەگەری تەواوبوونیاندا توانای گلدانەوەی سەدان ملیۆن مەتر سێ جا ئاویان هەیە.