گه‌ڕان

Shadow Shadow
سیاسه‌تی

كۆیە: 18 كەس بە تۆمەتی بەكارهێنانی ماددەی هۆشبەر دەستگیركران

2019.03.27 - 15:25
كۆیە: 18 كەس بە تۆمەتی بەكارهێنانی ماددەی هۆشبەر دەستگیركران

ناس كورد-

بە تۆمەتی بەكارهێنانی ماددەی هۆشبەر و دزینی ئۆتۆمبێل، بەڕێوەبەرایەتی ئاسایشی رۆژهەڵاتی هەولێر لە كۆیە، 18 تۆمەتباری دەستگیركرد و دەستیان گرت بەسەر هەندێك لە ماددەی هۆشبەردا.

لەراگەیەندراوێكی بەڕێوەبەرایەتی ئاسایشی هەولێر لەكۆیە، كە وێنەیەكی دەست (ناس كورد) كەوتووە، ئاماژە بەوە دەكات لە رۆژی 1ی ئاداری ئەمساڵەوە هەتا ئێستا 18كەسیان دەستگیر كردووە بە ماددەی (14)ی ماددە هۆشبەرەكان.

بەپێی راگەیەندراوەكە "لەگەڵ تۆمەتبارەكاندا دەستیشگیراوە بەسەر چەند جۆرێك لە ماددەی هۆشبەر وەك حەشیش، كریستاڵ، هێرۆین و حەبی ترامادۆڵ و چەند جۆرە چەكێكی جیاواز".

روونیشكراوەتەوە لەو هەڵمەتەدا دەستگیراوە بەسەر دوو ئۆتۆمبێل لە جۆری هۆندای تۆكسیۆن و تۆیۆتا پیكاب كە لە شاری هەولێر دزرابوون و لە بازگەی تۆپزاوا دەستیان بەسەردا گیراوە.