گه‌ڕان

Shadow Shadow
چیرۆكه‌كانمان

تیمەكانی كارەبا هەوڵی چاككردنی دەدەن

كارەبای چەند گەڕەكێكی سلێمانی بەهۆی لافاوەوە بچڕا

2019.03.25 - 13:55
App store icon Play store icon Play store icon
كارەبای چەند گەڕەكێكی سلێمانی بەهۆی لافاوەوە بچڕا

کەناڵی ناس کورد لە تێلیگرام جۆین بکە   

ناس كورد- شۆڕش محەمەد

بارینی بارانێكی زۆر لەپارێزگای سلێمانی بووە هۆی بچڕانی كارەبای نیشتیمانی چەند گەڕەكێگی شاری سلێمانی و بەپێی گرتەیەكی ڤیدیۆیی كە بەڕێوەبەرایەتی كارەبای سلێمانی بڵاوی كردۆتەوە لەفیدەرێكدا باران بارین ئەستونێكی كارەبای بردووە.

سیروان محەمەد وتەبێژی بەڕێوەبەرایەتی گشتی كارەبای سلێمانی، تایبەت بە ناس كورد-ی ڕاگەیاند "ئەو بارانەی كە ئەمڕۆ سنوری پارێزگای سلێمانی گرتەوە زیانی بە پێنج لاینی گەورە گەیاندبوو و نزیكەی 90 فیدەریش شۆرت و كێشەی تیا دروست بوو".

وتەبێژی بەڕێوەبەرایەتی گشتی كارەبای سلێمانی ئاماژە بەوە دەكات تیمەكانی بەڕێوەبەرایەتییان توانیوویانە تائێستا لەسەدا نەوەدی كێشەی بچڕانی كارەبای نیشتیمانی ئەو فیدەرانەی سلێمانی چارەسەر بكەن و كارەبا بگەڕێننەوە بۆ هاونیشتیمانیان و جەختی لەسەر ئەوە كردەوە كە بەردەوام دەبن لە چارەسەركردنی كێشەكانی تر و دۆزینەوەی شۆرتی ئەو فیدەرانەی تر كە وەستاوون.


لەگەڵ باران بارینەكەی ئەمڕۆی پارێزگای سلێمانی و بچڕانی كارەبای نیشتیمانی لەبەشێك لەفیدەرەكان كارەبای نیشتیمانی عەربەت و قەرەداغ راگیرا، سیروان محەمەد وتەبێژی بەڕێوەبەرایەتی گشتی كارەبای سلێمانی روونیكردەوە "بچڕانی كارەبای نیشتیمانی عەربەت و قەرەداغ چارەسەر كراوە و كارەباكەیان بۆ گەڕاوەتەوە".