گه‌ڕان

Shadow Shadow
سیاسه‌تی

بەهۆی باران بارین و مەترسی لافاو

خوێندنگەکانی ناوشاری سلێمانی سەرپشککران لە دەوامکردن

2019.03.25 - 09:46
App store icon Play store icon Play store icon
خوێندنگەکانی ناوشاری سلێمانی سەرپشککران لە دەوامکردن

کەناڵی ناس کورد لە تێلیگرام جۆین بکە   

ناس کورد-

بەهۆی باران بارین و مەترسی دروستبوونی لافاو، بەڕێوەبەرایەتی پەروەردەی سلێمانی بەڕێوەبەری خوێندنگەکان سەرپشكدەكات لەراگرتنی دەوام لەخوێندنگەكانیان.

لەراگەیەندراوێكی بەڕێوەبەرێتی پەروەردەی ڕۆژئاوای سلێمانی كە وێنەیەكی دەست (ناس كورد) كەوتووە، ئاگاداری بەڕێوەبەری قوتابخانە و خوێندنگەکانی سنووری بازیان و دۆڵەڕوت و کەندەکەوە و قولەرەیسی و بەکرەجۆ كراوەتەوە لەبەر کەشوهەوا و سەلامەتی قوتابیان دەتوانن ئەمڕۆ (دووشەممە) دەوام ڕابگرن.

لە ڕاگەیەنراوەکەدا ئاماژە بەوە كراوە "بەڕێوەبەری قوتابخانە و خوێندنگەکانی ناوشاریش سەرپشکن لە دەوامکردن".

دوێنی (یەكشەممە) بەڕێوەبەرایەتی گشتی کەشناسی و بومەلەرزەزانیی هەرێمی کوردستان بەهۆی بەردەوامیی بارانبارینەوە پێشبینی لافاوی لە چەند ناوچەیەک کرد.