گه‌ڕان

Shadow Shadow
چیرۆكه‌كانمان

هێشتا زووە بۆ پرسی سەردانی هەولێر

ناس کورد کۆبوونەوەی نوێنەرى پارتى لەگەڵ بەرهەم ساڵح ئاشکرا دەکات

2019.02.28 - 16:30
ناس کورد کۆبوونەوەی نوێنەرى پارتى لەگەڵ بەرهەم ساڵح ئاشکرا دەکات

 

ناس کورد-

 

لە کۆبوونەوە ڕاوێژکارییەکەى سەرۆککۆماردا نوێنەرى پارتى دیموکراتی کوردستان بەر لە کۆبوونەوەکە چاوى بە بەرهەم ساڵح کەوتووە، ڕاوێژکارێکى سەرۆککۆمارى عێراقیش بە هەنگاوێکى ئەرێنى ناوى دەبات.

حەسەن جیهاد ڕاوێژکارى سەرۆککۆمارى عێراق بە ناس کورد-ى ڕاگەیاند: "بەر لە کۆبوونەوەى دکتۆر بەرهەم لە گەڵ سەرکردەکانى عێراق لە گەڵ نوێنەرى پارتى دیموکراتى کوردستان هۆشیا زێبارى کۆبۆتەوە".

ئەوەشى وت: "پێشتر پارتى گرفتى لەگەڵ سەرۆککۆماردا هەبوو و بایکۆتیان کردبوو، بەڵام لە کۆبوونەوە ڕاوێژکارییەکەى دوێنێى بەغداد خۆشبەختانە نوێنەرى پارتى "کاک هوشیار" بەشداربوو، بەر لە دەستپێکردنى کۆبوونەوەکەش چاوى بە "کاک بەرهەم" کەوتووە، ئەمەش هەنگاوێکى ئەرێنییە بۆ تواندنەوەى ئەو بەستەڵەکەى کە لە نێوان پارتى و سەرۆککۆمارى عێراقدا دروستبووە".

ڕاوێژکارى سەرۆککۆمار لە بارەى سەردانى بەرهەم ساڵح سەرۆککۆمارى عێراق بۆ هەولێر وتى: "جارێ زووە بۆ پرسى سەردانى هەولێر بەڵام ئەمە یەکەمجارە کە نوێنەرى پارتى لە گەڵ سەرۆککۆمار کۆببێتەوە، لە کاتێکدا ئەو کۆبوونوەش لە لایەن خودى سەرۆککۆمارەوە رسەرپەرشتی دەکرا".

ئێوارەى ڕۆژى چوارشەممە لەسەر بانگێشتى سەرۆککۆمارى عێراق یەکەم کۆبوونەوەى ڕاوێژکاریى لە کۆشکى سەلام بە بەشدارى نوێنەرى لایەنە سیاسییەکانى عێراق و هەرێمى کوردستان بەڕێوەچوو.

53160179_1135014316672565_2265008719316123648_n.jpg?_nc_cat=109&_nc_ht=scontent.fisu6-1.fna&oh=7eadb302a168a7df3ee7b7f5e5020a72&oe=5D276FCD

52911336_1022276564634597_1371402994850988032_n.jpg?_nc_cat=105&_nc_ht=scontent.fisu6-1.fna&oh=a8b0f0bc408de82e86525f9688031068&oe=5D29143C