گه‌ڕان

Shadow Shadow
چیرۆكه‌كانمان

هێندەی تر تەرمەکانی دوورخستۆتەوە

بەردانەوەی ئاوی بەنداوی موسڵ گرفتی بۆ پرۆسەی گەڕان بە دوای تەرمەکان دروستکرد

2019.03.23 - 13:45
App store icon Play store icon Play store icon
بەردانەوەی ئاوی بەنداوی موسڵ گرفتی بۆ پرۆسەی گەڕان بە دوای تەرمەکان دروستکرد

کەناڵی ناس کورد لە تێلیگرام جۆین بکە   

 

ناس کورد- هەڤاڵ فەتاح  

بەنداوی موسڵ ئاوی بەرداوەتەوە و بەوەش گرفت بۆ تیمەكانی گەڕان بە دوای تەرمی قوربانییەكانی ڕوداوی وەرگەڕانی بەلەمەکە دروستبووە، جێگری سەرۆكی ئەنجومەنی پارێزگای نەینەواش دەڵێت، بەردانەوەی ئاوەکە تەرمەکانی دوورتر کردۆتەوە.

نورەدین قەبلان جێگیری سەرۆكی ئەنجومەنی پارێزگای نەینەوا تایبەت بە ناس كورد-ی ڕاگەیاند: "دوێنێ كاتژمیر 10ی شەو بەنداوی موسڵ بەهۆی كێشەی تەكنیكییەوە ڕێژەیەكی زۆر ئاوی بەرداوەتەوە، خێرایی شەپۆلی ئاوەكە تەرمەكانی لە گەڵ خۆیدا بردووە بۆ شوێنێکی دوورتر".

لە بارەی ئەو تەرمانەی دۆزراونەتەوە  جێگیری سەرۆكی ئەنجومەنی پارێزگای نەینەوا ئاشکرایکرد: "دەیان تەرم لە ناوچەكانی (حەمام عەلیل و گەیارە) دۆزاونەتەوە، ژمارەی ئەو تەرمانەی كە تا ئێستا دۆزراونەتەوە و تۆماركراون لە پزیشكی دادوەری موسڵ ژمارەیان 96 تەرمن، هەروەها لە ئێستادا تیمەكانی فریاكەوتن بە دوای تەرمی 95 کەسی ونبودا دەگەڕێن".

تا ئێستا ئاماری ئەو کەسانەی گیانیان لە دەستداوە و ئەوانەشی کە بێسەروشوێن بوون تەنها ئاماری سەرەتایین و تیمەکانی گەڕان بەدوای تەرمی قوربانییەکان بەردەوامە.