گه‌ڕان

Shadow Shadow
سیاسه‌تی

پاش ڕوداوەکەی موسڵ

گەشتوگوزاری دووکان خاوەن بەلەمەکانی ناوچە گەشتیارییەکان ئاگادار دەکاتەوە

2019.03.23 - 10:30
گەشتوگوزاری دووکان خاوەن بەلەمەکانی ناوچە گەشتیارییەکان ئاگادار دەکاتەوە

 

ناس کورد-

به‌ڕێوه‌به‌رایه‌تیی گه‌شتوگوزاری دوكان خاوه‌ن به‌له‌مه‌كانی ناو ده‌ریاچه‌ی دوكان ئاگادار دەکاتەوە رێنمایی نوێیان پێده‌دات، ئەوەش پاش ڕوداوەکەی وەرگەڕانی بەلەمەکەی موسڵ دێت کە بە هۆیەوە زیاتر لە 100 کەس گیانیان لەدەستدا.


به‌ڕێوه‌به‌رایه‌تیی گەشتوگوزاری دوکان له‌ راگه‌یه‌ندراوێكدا کە وێنەیەکی دەستی ناس کورد کەوتوو، داوا له‌ سه‌رجه‌م خاوه‌ن به‌له‌مه‌كانی دەریاچەی دوکان دەکات رۆژی یه‌كشه‌ممه‌ 24/3/2019 سه‌ردانی قائیمقامیه‌تی قه‌زاکە بكه‌ن به‌مه‌به‌ستی پێدانی ڕێنمایی نوێ و پشکنینی مۆڵه‌تی كاركردن.


له‌ راگه‌یه‌ندراوه‌كه‌دا، ئاماژه‌ به‌وەشكراوه‌: "پێویسته‌ هه‌موو خاوه‌ن به‌له‌مێك ته‌واوی مه‌رج و رێنماییه‌كانی ده‌سته‌ی گه‌شتوگوزار جێبه‌جێبكات، بەمەبەستی جێبەجێکردنی مه‌رجه‌كانی سه‌لامه‌تی و پاراستنی گه‌شتیاران له‌ كاتی گه‌شتكردن له‌ناو ده‌ریاچه‌ی دوكاندا".

 

دەرکردنی ئەم بڕیارە لە پاش ئەوە دێت، ڕۆژی پێنجشەممە21/3/2019 بەلەمێكی گەشتیاری کە زیاتر لە ١٧٠ گەشتیاری هەڵگرتبوو لە یەكێك لە دوورگە گەشتیارییەكانی ڕووباری دیجلە لە شاری موسڵ ژێرئاو كەوت.

 

گەشتوگوزاری دوکان ڕێنمای و مەرجیشی بۆ ئەو کەسانە داناوە کە هۆکارەکانی گواستنەوەی ئاوی بەکاردێنن کە خۆی لە 13 مەرج دەبینێتەوە.