گه‌ڕان

Shadow Shadow
چیرۆكه‌كانمان

کەسەکە بە ڕەگەز ئێرانیە

پۆلیسی هەولێر: کەسێک لە نزیک بازاڕی لەنگە بە خنکێندراوی دۆزراوەتەوە

2019.03.22 - 20:58
App store icon Play store icon Play store icon
پۆلیسی هەولێر: کەسێک لە نزیک بازاڕی لەنگە بە خنکێندراوی دۆزراوەتەوە

کەناڵی ناس کورد لە تێلیگرام جۆین بکە   

ناس کورد-

ئێوارەی ئەمڕۆ لە نزیک بازاڕی لەنگەی هەولێر لەنێو ژوری باخچەیەکدا، کەسێک بە خنکێندراوی دۆزراوەتەوە، پۆلیسی هەولێریش رایگەیاند ئەو کەسە "بە پەت خۆی خنکاندووە".

هۆگر عەزیز، وتەبێژی پۆلیسی هەولێر تایبەت بە ناس کورد-ی ڕاگەیاند: "ئێوارەی ئەمڕۆ هەینی 22/3/2019 کەسێکی بە ڕەگەز ئێرانی لەژورێکدا بە پەت خۆی خنکاندووە".

وتەبێژی پۆلیسی هەولێر باسی لەوەشکرد: ''ئەو کەسەی خۆی خنکاندووە تەمەنی 30 ساڵە و لە ژوورێکی باخچەکەدا خۆی هەڵواسیوە و دەستبەجێ گیانی لەدەستداوە، تا ئێستاش نەزانراوە ئەو کەسە کوردە یان نا".

وتەبێژی پۆلیسی هەولێر وتیشی کە تیمەکانیان لە شوێنی رووداوەکە دەستیان بە لێکۆڵینەوە کردووە و لێکۆڵینەوەش لە ڕوداوەکە بەردەوامە.