گه‌ڕان

Shadow Shadow
سیاسه‌تی

ڕێگریی لە بەرپرسان دەکرێت بچنە شوێنی ڕووداوەکەی دوێنێ

بەڤیدیۆ.. ناڕەزایی هاوڵاتیانی موسڵ دژ بەسەردانیكردنی بەرپرسانی عێراق

2019.03.22 - 13:30

ناس كورد-

لەكاتی سەردانەكەی پارێزگاری موسڵ بۆ شوێنی ژێر ئاوكەوتنی بەلەمە گەشتیارییەكە، ژمارەیەك لەهاووڵاتی بە دروشمی (دەستلەكاربكێشەرەوە.. شكستخواردوو) رێگرییان لێكرد و لەئەنجامدا و بۆ خۆ دەربازكردن لەتوڕەیی خۆپیشاندەران ئۆتۆمبێلەكانی دوو هاووڵاتیان كرد بەژێرەوە.

پەیامنێری ناس رایگەیاند "نوفل عاكوب پارێزگاری موسڵ بەنیازبوو سەردانی ئەو شوێنە گەشتیارییە بكات كە بەلەمێكی گەشتیاری تێدا ژێر ئاو كەوت، بەڵام لەلایەن ژمارەیەك لە خۆپیشاندەرەوە رێگری لێكرا بگات شوێنی رووداوەكە و داوای دەستلەكاركێشانەوەیان كرد".

پەیامنێری ناس ئاماژە بەوە دەكات كە پارێزگاری موسڵ بەو ئۆتۆمبێلەی كە خۆی شۆفێری بوو دوو هاووڵاتی كردووە بەژێرەوە و برینداری كردوون.

روونیشكردەوە كە خۆپیشاندەران رێگەكەیان لەپارێزگاری موسڵ گرتووە و بە شكستخواردوو ناویان بردوە و داوایان كردووە دەستلەكار بكێشێتەوە.

 

[youtube_video id="f29rv0ORgzg"]

 

دوێنێ‌ (پێنجشەممە) بەلەمێكی گەشتیاری لە یەكێك لە دوورگە گەشتیارییەكانی ڕووباری دیجلە لە شاری موسڵ ژێر ئاو كەوت و بەهۆیەوە قوربانییەكی زۆری لێكەوتەوە.