گه‌ڕان

Shadow Shadow
سیاسه‌تی

فڕۆكەیەكی سەربازی توركیا فرێیدابوو

ناپاڵمەكەی قەڵادزێ‌ تەقێنرایەوە

2019.03.22 - 08:41
App store icon Play store icon Play store icon
ناپاڵمەكەی قەڵادزێ‌ تەقێنرایەوە

کەناڵی ناس کورد لە تێلیگرام جۆین بکە   

ناس كورد-

ئەو ناپاڵمەی كە لەلایەن فڕۆكەیەكی سەربازی توركیاوە لە قەڵادزێ‌ فڕێدرایە خوارەوە، لەلایەن تیمێكی تایبەتی وەزارەتی پێشمەرگەوە تەقێنرایەوە.

مقەدەم محەمەد فازیڵ، وتەبێژی ئاسایشی ڕاپەڕین بە ناس كورد -ی ڕاگەیاند "لەدوای فڕێدانی ناپاڵمەكە لەلایەن تیمێكی ئەندازەیی تایبەتی هێزی پشتیوانی دووی سەر بە وەزارەتی پێشمەرگەوە ناپاڵمەكە تەقێنرایەوە".

بەر لەتەقاندنەوەی ناپاڵمەكە قائیمقامیەتی قەزای پشدەر راگەیەندراوێكی بڵاوكردەوە و دانیشتوانی قەزای قەڵادزێ و سنوری پشدەری ئاگادار كردەوە كە بەهۆی پووچەڵكردنەوە ئەو ناپاڵمەی كە لە نزیك كۆلێژی پەروەردەی قەڵادزێ كەوتەخوارەوە ئەگەری بیستنی دەنگی بەرز هەیە.

پێشتریش، وتەبێژی ئاسایشی ڕاپەڕین بۆ ناس كورد روونكردنەوەیدا "هاوڵاتیەك بە تەلەفۆن هێزەكانی ئاسایشی ئاگادار كردۆتەوە كە بۆمبێكی ناپاڵم لە سنووری دەروازەی قەڵادزێ لە فڕۆكەیەك كەوتوتە خوارەوە و هیچ زیانێكی گیانی نەبووە".

ئاماژەی بەوەش كرد كە هێزەكانیان گەیشتوتە سەر شوێنی ڕوداوەكە و دەستیان بەلێكوڵینەوە كردووە، وتیشی: “تا ئێستا دیار نییە ئەو بۆمبە لە چ فڕۆكەیەك كەوتۆتە خوارەوە”.