گه‌ڕان

Shadow Shadow
سیاسه‌تی

پێشبینییەكانی كەشوهەوای ئەمڕۆ و سبەینێی شارەكانی كوردستان

2019.03.21 - 11:16
پێشبینییەكانی كەشوهەوای ئەمڕۆ و سبەینێی شارەكانی كوردستان

ناس كورد-

بەڕێوەبەرایەتی گشتی كەشناسی و بوومەلەرزەزانی هەرێمی كوردستان، راگەیەندراوێكی لەبارەی پێشبینییەكانی كەشوهەوای ئەمڕۆ و سبەینێی شارەكانی هەرێمی كوردستان بڵاوكردەوە.

لەراگەیەندراوەكەی بەڕێوەبەرایەتی گشتی كەشناسی و بوومەلەرزەزانی هەرێمی كوردستان، كە وێنەیەكی دەست (ناس كورد) كەوتووە، هاتووە "پێشبینی دەكرێت ئەمڕۆ و سبەینێ‌ ئاسمان ساماڵ و نیمچەهەور بێت".

لەراگەیەندراوەكەدا و لەبارەی پلەی گەرمی ئەمڕۆی شارەكانی كوردستان، ئاماژە بەوە كراوە "ئەمرۆ (پێنجشەممە) لەهەولێر بەرزترین پلەی گەرما 18 پلە و نزمترین 6 پلە دەبێت، لەسلێمانی بەرزترین پلەی گەرمی 16 پلە و نزمترین 6 پلە دەبێت، لەدهۆك بەرزترین پلەی گەرمی 14 و نزمترین 3 پلە دەبێت، لەكەركوك بەرزترین پلە 20 و نزمترین 6 پلە دەبێت".

لەبارەی پلەی گەرمی سبەینێ‌ (هەینی)ی شارەكانی كوردستان لەراگەیەندراوەكەدا ئاماژە بەوە كراوە "پێشبینی دەكرێت سبەینێ‌ (هەینی) لەهەولێر بەرزترین پلەی گەرما 20 پلە و نزمترین 8 پلە دەبێت، لەسلێمانی بەرزترین پلەی گەرمی 18 پلە و نزمترین 7 پلە دەبێت، لەدهۆك بەرزترین پلەی گەرمی 16 و نزمترین 4 پلە دەبێت، لەكەركوك بەرزترین پلە 22 و نزمترین 8 پلە دەبێت".