گه‌ڕان

Shadow Shadow
چیرۆكه‌كانمان

تەقەكەرەكان دەستگیرنەكراون

دوزخورماتوو؛ لەكاتی كردنەوەی ئاگری نەورۆزدا تەقە بەسەر چەند گەنجێكی كوردا دەكرێت

2019.03.20 - 13:29
App store icon Play store icon Play store icon
دوزخورماتوو؛ لەكاتی كردنەوەی ئاگری نەورۆزدا تەقە بەسەر چەند گەنجێكی كوردا دەكرێت

کەناڵی ناس کورد لە تێلیگرام جۆین بکە   

ناس كورد- هەڤاڵ فەتاح

لەكاتی كردنەوەی ئاگری نەورۆز لەقەزای دووزخورماتو تەقە بەسەر چەند گەنجێكی كوردا دەكرێت و بەوتەی سەرچاوەیەكی بەرپرسی قەزاكەش "هێشتا تەقەكەرەكان دەستگیر نەكراوون".

سەرچاوەیەكی ئەمنی لە قەزای دووزخورماتو، تایبەت بە ناس كورد-ی ڕاگەیاند " لە كاتی كردنەوەی ئاگری نەورۆزدا لە لایەن كۆمەڵێك گەنجی كوردەوە لە گەرەكی كۆماری كە گەرەكێكی كورد نشینە، ژمارەیەك لە چەكداری حەشدی توركمانی هێرشیان كردە سەر گردبوونەوەكە و تەقەیان بەسەر گەنجانی كورد كرد".

بەوتەی سەرچاوە ئەمنییەكە تەقەكەرەكان هەوڵی نانەوەی پشێوییان داوە لەقەزاكە و لەبۆنەیەكی وەك نەورۆزدا كە جەژنی گەلی كوردە دەیانەوێت دۆخێكی نالەبار درووست بكەن.

قەزای دوزخورماتو وەكو ناوچە دابڕاوەكانی دیكەی كوردستان لەدوای رووداوەكانی 16ی ئۆكتۆبەری 2017، سوپای عێراق و هێزە شیعییەكانی عێراق گەڕانەوە بۆ ناوچەكە و بەو هۆیەوە سەدان خێزانی كورد قەزاكەیان بەجێهێشت و ئاوارەی شارەكانی هەرێمی كوردستان بوون و تائێستا ژمارەیەكی زۆر لەو خێزانانە نەگەڕاونەتەوە شوێنی خۆیان.

سەرچاوەكە روونیدەكاتەوە كە لایەنە كوردییەكان دەیانەوێ‌ یادی نەورۆز بەشێوەیەكی هێمن و دوور لە كێشە بكەنەوە و جیاواز لەهەموو ناوچە دابڕاوەكانی تر لە دوزخورماتو لەدوێنێ‌ (سێشەممە)ەوە كراوەتە پشوی فەرمی.