گه‌ڕان

Shadow Shadow
سیاسه‌تی

قائیمقامیەتی سلێمانی هاوڵاتیان ناچار دەکات لە گەڕەکە کۆنەکاندا خانوەکانیان بە خشتی کۆن ڕوپۆش بکەن

2019.09.03 - 14:22
App store icon Play store icon Play store icon
قائیمقامیەتی سلێمانی هاوڵاتیان ناچار دەکات لە گەڕەکە کۆنەکاندا خانوەکانیان بە خشتی کۆن ڕوپۆش بکەن

کەناڵی ناس کورد لە تێلیگرام جۆین بکە   

ناس کورد- قائیمقامیەتى سلێمانى بۆ ڕێگرتن لە تێکدانى خانوە کۆنەکانى شارەکە، چەند ڕێکارێکى گرتوەتەبەر، ئەوانەشى خانوەکانیان نۆژەن دەکەنەوە دەبێت بە خشتێکى هاوشێوەى پێشوو ئەنجامى بدەن. , لە ڕاگەیەندراوێکدا قائیمقامیەتی سلێمانی ڕایگەیاندووە: "بەمەبەستی پاراستنی شوێنه‌وار و گەڕەکە کۆنەکانی سلێمانی، ده‌مانه‌وێت رێگه‌ بگرین له‌ دروستكردن و نۆژه‌نكردنه‌وه‌ی خانوو له‌ گه‌ڕه‌كه‌ كۆنه‌كانی سلێمانیدا، به‌جۆرێك كه‌ سیمای كه‌له‌پوری شاری سلێمانی تێك بدات". , ئاماژە بەوەشكراوە، ئەگەر هەر کەسێکیش خانووەکەی نۆژەن بکاتەوە، یان خانوو و بینای بازرگانیی نوێ دروست بکات،  پێویستە هه‌مان ئه‌و خشته‌ی كه‌ له‌ خانووه‌ كۆنه‌كانی سلێمانیدا به‌كارهاتووه‌  له‌و خانووانه‌دا به‌كاربهێنرێنەوە و ڕووپۆش بکرێن، بەپێچەوانەوە  به‌ده‌ر له‌و خشته‌ رێگه‌ نادرێت به‌هیچ ماده‌یه‌كیتر خانووه‌كان روپۆش بكرێن. , لە ڕاگەیەندراوەکدا باس لەوەشکراوە،  بۆ ئەو مەبەستە قسەیان لەگەڵ خاوەن کارگەکانی دروستکردنی خشتدا کردووە و  ئەوانیش ئاماده‌ییان ده‌ربڕیوە بۆ دروستكردنی ئه‌و جۆره‌ خشته‌. , ,