گه‌ڕان

Shadow Shadow
سیاسه‌تی

بەسرە؛ نرخی جۆرێک کۆتر دەفتەرێک دۆلاری تێپەڕاند

2019.03.17 - 16:31
بەسرە؛ نرخی جۆرێک کۆتر دەفتەرێک دۆلاری تێپەڕاند

 

ناس کورد-

لە پارێزگای بەسرە بازاڕێکی زیادکردنی ئاشکرا بۆ کۆتری (زاجل) کراوەتەوە، کە ڕێکخراوی(PIPA)  نێودەوڵەتی سەرپەرشتی کردبوو، بە سەدان کەس لە پارێزگا جیاجیاکانی هەرێمەوە ڕویان لەو بازاڕەکرد، دەیان کۆتر لە ئەوروپاوە هێنرابوونە ئەو بازاڕەو نرخیان زیاتر بوو لە 10هەزار دۆلار.

 

نوێنەری ڕێکخراوی (PIPA) نێو دەوڵەتی بۆ کۆتری زاجل لەڕۆژهەڵاتی ناوەڕاست  مورتەزا شەریف لە لێدوانێکی ڕۆژنامەوانیدا ئەوەی ڕاگەیاند: "ئەم بازاڕە یەکەم جارە لەم پاێزگایە بکرێتەوە، لەپاش ئەم بازاڕەش لە چەند مانگی داهاتودا بازارێکی هاوشێوە لە دەوڵەتی کوەیت دەکەینەوە، کە چەندین بەخێوکەری کۆتری زاجل لە هەموو پارێزگاکانەوە بەشداریان کردووە".

 

لە میانەی زیادکردنەکەدا ٦٠ باڵندەی ناسراوی وڵاتانی جیهان فرۆشران، یەکەم کۆتریش لەو بازاڕەدا نمایش کراو، بە 11هەزار و 600 دۆلار (١١٦ وەرەقە) فرۆشرا.

کۆتری زاجل بەناوبانگترین کۆترە، بەهۆی توانای فڕینی بۆ ماوەیەکی زۆر و توانای خۆڕاگری بۆ کەشوهەوا جیاوازەکان، لە هەموشیان گرنگتر دیاریکردنی ئەو ڕێگەیەیە کە پێیدا دەفڕێت, بەهەمان ڕێگاشدا دەتوانێت بگەڕێتەوە بۆ شوێنی سەرەتای خۆی، لەڕوی زانستیشەوە زانایان ئەم توانایەی دەگێڕنەوە بۆ بونی مادەیەکی موگناتیزی لەناو مێشکی ئەو کۆترەدا.