گه‌ڕان

Shadow Shadow
چیرۆكه‌كانمان

کەشناسی: ناتوانین پێشبینی کەشوهەوای ڕۆژانی نەورۆز بکەین

2019.03.17 - 14:39
کەشناسی: ناتوانین پێشبینی کەشوهەوای ڕۆژانی نەورۆز بکەین

 

 

 

 

ناس کورد-  هەڤاڵ فەتاح

 

کەشناسی هەرێم ڕایدەگەیەنێت لە ئێستادا ناتوانن پێشبینی کەشوهەوای ڕۆژانی نەورۆز بکەن بەهۆی ئەوەی لەم مانگەدا گۆڕانکارییەکانی کەشوهەوا "زۆر خێران."

 


بژار ئەكەرم لێپرسراوی بەشی پێشبینی لە بەڕێوەبەرایەتی گشتی كەشناسی و بومەلەرزانەی هەرێمی کوردستان لەبارەی پێشبینی کەشوهەوای ڕۆژانی نەورۆزەوە بە ناس کورد-ی ڕاگەیاند، ناتوانرێت لە ئێستادا پێشبینی بۆ كەشوهەوای ئەو ڕۆژانە بکرێت، "بەهۆی ئەوەی گۆڕانکارییەکانی کەشوهەوا لەم وەرزەدا زۆر خێران و لە ماوەی 24 بۆ 48 کاتژمێردا ڕوودەدەن."


هەروەها ئاماژەی بۆ ئەوەش کرد ڕۆژی سێشەممە پێشبینییەکانیان تایبەت بە ڕۆژانی نەورۆز بڵاودەکەنەوە.

ئەوەش لە کاتێکدایە لە ئێستادا شەپۆلێکی سەرما و بارانبارین شارە جیاوازەکانی هەرێمی کوردستانی گرتووەتەوە، بەپێی ڕاگەیەندراوێکی کەشناسیئەمڕۆ یەکشەممە بارانبارین لە شارەکانی هەولێر، سلێمانی، دهۆک و کەرکوک بەڕێژەی جیاواز بەردەوام دەبێت.

هەروەها ئاماژەیان بۆ ئەوە کردووە کە شەپۆلی بارابارینەکە سبەینێ کاریگەریی نامێنێت و ئاسمان بۆ نیمچە هەور دەگۆڕێت، پلەکانی گەرماش بەبەراورد بە چەند ڕۆژی ڕابردوو بەرزدەبێتەوە.