ناس کورد-
ئەندامێکی مەکتەبی سیاسی پارتی دیموکراتی کوردستان ڕایگەیاند، پارتی و یەکێتی ئامادەن بۆ کۆبوونەوە و لە چەند رۆژی داهاتوودا کۆدەبنەوە.
کەناڵی ناس کورد لە تێلیگرام جۆین بکە
عەلی حوسێن، ئەندامی مەکتەبی سیاسی و بەرپرسی مەکتەبی رێکخستنی پارتی لە سلێمانی – هەڵەبجە بە میدیای حزبەکەی ڕاگەیاند، پارتی و یەکێتی ئامادەن بۆ کۆبوونەوە و لە چەند رۆژی داهاتوودا کۆدەبنەوە، بۆ ئەوەی گرفتەکان بە گفتوگۆ چارەسەر بکەن.
ئاماژەی بەوەشکرد، لەگەڵ یەکێتی خاڵی هاوبەشیان هەیە و دەشڵێت: "چارەنووسمان پێکەوەیە و ئەگەر گرفتێک و جیاوازیش هەبێت ئاساییە، بەڵام بەرپرسیاریەتی هاوبەشمان هەیە".
عەلی حوسێن، گوتی: "لەم رۆژانەدا کۆبوونەوەی نێوان پارتی و یەکێتی ئەنجام دەدرێت، پێویستە یەکلایەنە سەیری گرفتەکان نەکەین، بەڵکو بە گفتوگۆ چارەسەریان بکەین، بێگومان بەرپرسیاریەتیمان لەم قۆناغەدا هاوبەشە، لەسەر ئاستی عێراق و ناوچەکە گرفتی گەورە هەن و ئەگەری تازە هەن، بۆیە دەبێ لە ئاستی بەرپرسیاریەتی دابین و بەرپرسانە مامەڵە بکەین".
گوتیشی: "هەردوولا ئامادەییمان تێدایە بۆ کۆبوونەوە و چەند هەڤاڵێکیش بۆ ئەو بابەتە دیاریکراون کە پەیوەندیدارن بەو بابەتە".
