ناس کورد-
سەرۆکى هەرێمى کوردستان رایگەیاند، لەکۆبوونەوەکانى لەبەغدا چەند پرسێکیان تاوتوێکردووە لەناویاندا چاره‌سه‌ركردنى كێشه‌كانى نێوان هەرێمی کوردستان و به‌غدا.
کەناڵی ناس کورد لە تێلیگرام جۆین بکە
نێچیرڤان بارزانى لە راگەیەنراوێکدا ئاماژەى بەوەکردووە، ئەمڕۆ لە بەغدا لەگەڵ سەرکۆمار، سەرۆک وەزیران، سەرۆکی ئەنجومەنی دادوەری و ڕێبەرانی تری عێراق و سەرکردەی پارتە سیاسییەکان کۆبووەتەوە.
وتیشى "دوايين پێشهاته سياسى و ئه‌منييه‌كانى وڵات، په‌يوه‌ندييه‌كانى هه‌رێمى كوردستان له‌گه‌ڵ حكوومه‌تى فيدرالى عێراق، چاره‌سه‌ركردنى كێشه‌كانى نێوان هەرێمی کوردستان و به‌غدا و چەند پرسێکی دیکه‌مان تاوتوێ كرد".
نێچیرڤان بارزانى دەڵێت، "ھەروەھا پشتگیریی هه‌رێمی کوردستانمان بۆ کابینەی نوێی عیراق دووپات کردەوە بۆ چارەسەرکردنی کێشە سەرەکییەکانی وڵات لە چوارچێوەی دەستووردا".
