ناس کورد-
راوێژکارێکى مەسعود بارزانى رایگەیاند، پێدانی سیستمی بەرگری ئاسمانی بە عێراق و ھەرێمی کوردستان زامنی راگرتنی ھەموو پەلامارێکی دەرەکییە، ئەوەش لە ئاماژەیەکدا بۆ هێرشەکانى ئێران بۆ سەر خاکى هەرێم.
کەناڵی ناس کورد لە تێلیگرام جۆین بکە
مەسعود حەیدەر (21-11-2022) لە تویتێکدا نوسیویەتى "پێدانی سیستمی بەرگری ئاسمانی بە عێراق و ھەرێمی کوردستان زامنی راگرتنی ھەموو پەلامارێکی دەرەکییەو سەروەری خاکی عێراق و ھەرێمی کوردستان دەپارێزێت".
الهجمات الصاروخية والدرونات تجاوز على سيادة الدولة العراقية وتعريض حياة المدنيين في كوردستان للخطر، الادانة لا تمنع تكرارها، على المجتمع الدولي مساعدة وبيع اربيل وبغداد منظومة دفاعات جوية لردع هذه الهجمات. الصواريخ تُردع بالصواريخ، لا بإلادانات.#السيادة هي حماية ارض وسماء البلد. pic.twitter.com/HXbEGiHrzx
— Massoud Hayder / مسعود حيدر (@Massoud_Hayder) November 21, 2022
درەنگانى شەوى رابردوو ئێران جارێکى تر هێرشیکردە سەر بارەگاى حزبە کوردییەکانى رۆژهەڵات لەخاکى هەرێمى کوردستان.
دواى هێرشەکە، حکومەتى هەرێمى کوردستان لە راگەیەنراوێکدا رایگەیاند "پێشێلکاری بەردەوامی سەروەری عێراق و ھەرێمی کوردستان لەلایەن ئێرانەوە، ھیچ پاساوێک ھەڵناگرێت و پێشێلکردنێکی ئاشکرا و زەقی یاسا وڕێسا نێودەوڵەتییەکان و پەیوەندی دراوسێیانەیە".
داواش لە دۆست و ھاوبەشانی لە حکومەتی فیدراڵی و نەتەوە یەکگرتووەکان و کۆمەڵگەی نێودەوڵەتیی بەگشتی دەکات، کە ھەڵوێستێکی ڕوون و ڕاشکاویان بەرامبەر ئەم ھێرشە بەردەوامانەی ئێران ھەبێت.
لەبەرانبەردا ناسر کەنعانى وتەبێژى وەزارەتى دەرەوەى ئێران، هەرێمى کوردستان و عێراقى تۆمەتبارکرد بەوەى بەڵێنەکانیان بەجێنەهێناوە بۆ ئەوەى سنورەکانیان نەبنە هەڕەشە بۆ سەر ئاسایشى تاران.
لە ئەیلولى رابردووەوە ئێران چەند جارێک هێرشى کردووەتە سەر بارەگاى حزبە کوردییەکانى رۆژهەڵات لە هەرێمى کوردستان و بەهۆیەوە تا ئێستا 12 کەس گیانیان لەدەستداوە و چەندین کەسی دیکەش برینداربوون.
