ناس کورد-
ئەندامێکى لیژنەى دارایی پەرلەمانى عێراق رایگەیاند، هەوڵدەدەن پشکى هەرێم لە بودجە بۆ 14% بەرزبکرێتەوە.
کەناڵی ناس کورد لە تێلیگرام جۆین بکە
نەرمین مەعروف پەرلەمانتارى یەکێتى و ئەندامى لیژنەى دارایی لە چاوپێکەوتنێکى تەلەفزیۆنیدا لەگەڵ میدیاى حزبەکەى ئاماژەى بەوەکرد، پشکى بودجە لەسەر بنەمایەک دیاریدەکرێت کە یەکێکیان ژمارەى دانیشتووانە.
وتیشى لەساڵى 2014 ەوە پشکى هەرێم لە رێژەى 17% کەمکرایەوە بۆ 12.6% کە لە بودجەى 2021 جێگیرکراوە، بەڵام بۆ ئەمساڵ دەیانەوێت بۆ 14% بەرزبکرێتەوە.
نەرمین مەعروف دەڵێت، مانگێک بەر لە ئێستا پرسیارى لە وەزارەتى پلاندانان کردووە لەبارەى رێژەى دانیشتوانى هەرێم لە عێراق و ئەوانیش وەڵامیانداوەتەوە کە هەرێم 14%ى دانیشتووانى عێراق پێکدەهێنێت، بۆیە پێویستە پشکى هەرێم لە بودجە 14% کەمتر نەبێت.
