ناس کورد-
فەرماندەی هێزی زەمینی سوپای پاسدارانی ئێران راگەیاند، وڵاتەکەى سێ بژاردەى خستووەتە بەردەم بەرپرسانى هەرێم و عێراق لەبارەى حزبە کوردییەکانەوە.
کەناڵی ناس کورد لە تێلیگرام جۆین بکە
محەمەد پاکپوور (14-11-2022) بە ئاژانسى فارسى فەرمى وت "ئێران لە 28ی ئەیلولدا هەرێمی کوردستانی عێراق و حکومەتی ناوەندی عێراقی ئاگادار کردۆتەوە کە ئەو گروپانەی داوای دابەشکردنی ئێران دەکەن و دەکەونە باکوورى عێراق، یان دەربکرێن، یان لەچەک دابماڵرێن، یان ببرێنە کەمپەکان".
وتیشى "گرووپە جوداخوازەکان لە عێراقەوە کردەوەی تیرۆریستییان لە ناوخۆی ئێران ئەنجام دا و بەشداریان لە هەندێک ئاژاوەگێڕی لە ناوچەی باکوری ڕۆژئاوای ئێران کرد، کە لەوێ پەنجەمۆری ئەو کەسانەمان بینی کە لەو کردەوانەدا بوون".
"هەرچەندە لایەنی عێراقی بەڵێنی ئەوەی دابوو و هەندێک هەنگاوی بنچینەیی ناوە، بەڵام ئەم دۆخە بەردەوام نەبوو، وەزارەتی دەرەوەی ئێران گفتوگۆی لەگەڵ هەرێمی کوردستان کردووە و بڕیاری لابردنی ئەو بنکانەى داوە کە لە قووڵایی باکووری عێراقدا بوون".
پاکپوور باسى لەوەشکرد، لایەنی ئێرانی ئەمڕۆ دووشەممە، لە چوارچێوەی پلانێکی ورددا، چەند شوێنێکیان کردە ئامانج.
